المويضي المطيرية تغني وتهيجن بين الرجال

[عبدالله الفهد]

المويضي البرازية المطيريه ، إحدى الشاعرات في نجد قديماً، وكانت هذه الشاعره معروفة عند الجميع في مناطق واسعة من نجد , وفي أحد الأيام خرجت مويضي وأخذت تغني ، فسمعها أحد رجال الإمام فيصل بن تركي آل سعود وهي تغني وتهيجن بصوت واضح ،فذهب الى الامام وأخبره وقال له: المويضي تغني بين الرجال بصوت واضح ، وهذا عيب ، فأمر الامام فيصل أحد عبيده ويدعى (سلامه ) وقال له: خذ هذه العصا واضرب المويضي جزاء على الغنا بين الرجال،فذهب العبد ونفذ كلام الامام وكسر العصا عليها ... ومرضت المويضي
وبعد أيام خرجت المويضي واثناء خروجها سمعت حمامة تغني وصوتها عذب ،فقالت أبياتاً تحذر فيها الحمامة من أن يسمعها سلامه فيكسر عظامها وتنصحها
بالذهاب الى الفرعه بوادي الدواسر ديار الوداعين الدواسر فهم من ينجون الدخيل .... فقالت:




ياسعد عينك بالطرب يا حمامه
..............................ياللي على خضر الجرايد تغنين
عزي لعينك وان درى بك سلامه
..................................خلاك مثلي يا الحمامه تونين
كسر عظامي كسر الله عظامه
........................ شوفي مظارب شوحطه بالحجابين
يقول انه مروحينه عمامه
...................................الله يغرب ديرته اصفر العين
وان كان ودك بالطرب والسلامه
.................................عليك بالفرعه ديار الوداعين
تنحري ربعن تفك الجهامه
................................فكاكة القالات بالعسر واللين
دخيلهم ما احدٍ على الحق ظامه
...........................ولو هو فقير الحال ما يلحقه دين

[سعوط المجانين]

عبدالله الفهد


بيض الله وجهك يالقرم على هذه القصه الرائعه والابيات الجميله بالفعل ورحم الله الشاعره مويضي البرازيه .

والنعم والله بالوداعين والدواسر كلهم


مودتي وتقديري


...

[عبدالله الفهد]

سعوط المجانين


وجهك ابيض


ويستاهلون الدواسر


ولاهنت على المرور يالذيب

[برووق الخيال]

السلام عليكم ورحمة الله وبركاته


بمااا انهاا اول مشاااركه لى بالمنتدى وشدنى اكثر واكثر مويضي المطيري

مشكووور عبدالله الفهد على هالقصيد والقصه الرائعه

تقبل مرورى

برووقه

[نايـــف الفغم]

لاتهون يالغالي بس السالفه ماهي كذاااا



ماااتوقع انه يتجرا على بنت قبايل احد الاصدقا وهو برازي مطيري ومويضي برااازيه من واصل من مطير يقولي االقصه القصه الي جبتها صحيحه الي شي واااحد انه لم يكسر عليها العصه ولم يمد يده


القصه ومافيها ان الي ارسله اامام وقال اضربها ذهب وقترب منب بيتهااا لي يضربها ولاكنها صاحت بعيال عمهاااا وصارت مشكله وحلها الامام فيصل ..


هاذي السالفه وانا اخووك


تضرب ؟ المعلومه هاذي غريبه ..


اتمنى اني افدتك يالغااالي ..

[مصلح النشمي]

المشاركة الأصلية كتبت بواسطة عبدالله الفهد

كسر عظامي كسر الله عظامه
........................ شوفي مظارب شوحطه بالحجابين
[/color]
[/size]

الغالي نايف الفغم حياك يابعدي وبغض النظر عن رواة القصه..فلن يكونو اكثر دقه وصدقا

من الشاعرة نفسها ولو رجعت الى البيت اعلاه لفهمت انه ضربها (بشوحط)

وتظل مويضي علما من اعلام الشعر النسائي

شكرا اخي عبدالله لنقلك

[الشمالي]

كسر عظامي كسر الله عظامه
........................ شوفي مظارب شوحطه بالحجابين



ههههههههههههههههههههههه@




حلوه القصيده


نايف يالغالي هذي قصه قديمه

ما أتوقع يعني نقول حقيقه أو كذب ..
لكن فيها شي من الفكاهيه ..
خاصه بعد مخاطبتها للـ..حمامه بالقصيده






يعطيك العافيه عبدالله


نويدر