السلام عليكم ورحمه الله وبركاته
أليكم هذه الابيات ..
أرجوك يلي تسألن وش بلايا
....................................أبعد تراني من غثى الهم مجروح
أبعد أبدفن لي همومٍ خفايا
...................................اللي خطرها هدّد القلب والروح
والا أقولك استمع هاالحكايا
..................................عيشة تعاسة مع تنهـّات والنوح
عجزت اقاوم ضيقةٍ في حشايا
..................................تروح وترجع تاخذ ايام وتروح
مااقدر اصدّه لادخلت في حمايا
.................................تقلب حياتي كله احزان وجروح
تخرب لي جوي ويتعكر هوايا
................................وبأسبابه كبدي من قهرها تبي تفوح
أكره مقابل طيبين السجايا
................................وأجنـّب جلساتٍ بها ضحك ومزوح
تلقاني جالس في هذيك الزوايا
................................كني صويبٍ بين الأعداء ومطروح
ماغير أتمتم وأتأمّل سمايا
...............................إلا وهي عج وعواصيف وشحوح
مدري خطا منهو او إنه خطايا
...............................اللي جلعني منـّها صرت مذبوح
ياليت جيتها (فراق الصبايا)
...............................إن كان افتح باب الاسرار وأبوح
بس المصيبة لأمرحت باالحنايا
...............................تصدح بي الضيقة وانا اجيك مفضوح
أبطلب اللي مايخيّب رجايا
..............................وأبرفع يدينــي مع الصــوت مبحوح
إنه يبعّد عن طريقي شقايا
..............................اللي بجبروتــه تستلم له الروح
وارجع اقول انا بلاي بحشايا
..............................اللي تجيني تمرح ايام وتروح
بندر نغيمش البجيدي
20/05/07, (05:40 PM)
الضيقة .. بندر البجيدي !!
العرض المتطور
