الغفران

[طلال معيض]

إليكم هذه القصيدة اللتي كتبتها من واقع شخص يبتهل إلى الله بالدعاء واحس انه مقصر مع خالقه
اترككم مع القصيده

يارب كـان إنـــي بمافات اخطيت =عــــبدك فقيـــــرٍ لك واباطلبك غفران
عــــفوك لياقبــلت وجهك وصليت= وســــترك عن دروب بها العبد خسران
وعن كــــل ذنبٍ اقترفته وسويت= إن مامحـــيت الذنــــب ماني بكـــسبان
إنــت الإله ولابــــغيــــــرك ترجيت= عـــــــلام ياغفــــــار رزاق رحـــــــمان
ودود شافي كافي ومحيي الميت= عـــــالي بيـــدك الروح مبصر وسلطان
اطـــلبك بكل اسمٍ هـوالك وسميت= وعــــــظيم وجــهك انت ياعالي الشان
لاكــثرت ذنـــــوبي علـــيه وزليت= تمـــــــــــحي ذنوبي كل ماكنت غلطان
وابعد لساني عن فسوقٍ وتبهيت= وانـــــك تجـــــنبني وســــاويس شـيطان
وعن مانهيت وشفتني به تهاويت= منه {تعصــــمني وتهــــــــديني}للإحسان
جودك عظيم وياكم بجودك اعطيت= جدني بجـــودك والطـــــف بحالة انسان
لاحــــسب ذنوبه طلب والي البيت= مـــــــاله ســــــوا انه بـــك يزيد إيمــان
ماكثر خطـايه والخطا منه مليت=فيك استــــــــعيذ وفيك عن كل عصيان
رحمتك ياربي واناليوم لك جيت=عبـــــــدذلـــــــيل شفـــت تيهات الازمـان
شفت بزماني شي منه استفزيت=عرفت وان الـــــــعمر لوطـــــال بي فان
انا استعيذك عن وجيه الطواغيت=وانا دخيـــــلك عـــــــن ســـبب كل طغيان
وانا دخيلك لاظلم القبر واوحييت=طـــــرق النعــــــول ولابقى فــــيه خلان
في ساعة محد بهاقال شكيت=ساعة لقـــــاك وصـــــرت يارب عــــريان
حزت جموع الناس من بعد تشتيت=يوم الأخلا يصــــــيرو لبــــعض عـــــدوان
ولكتابي ذاك اليوم يمناي مديت=وافوز في جنه لـــــــــــــها كنت شفقان
اعز من دنـــــــيا بهاماستلذيت=افرح بهـــــــــــا احيان واحزن بها احيان
جنتــــــك فيها كل شي تمنيت=وشي بها مالا خـــــــــــطر جوف الاعيان
واخير تسليم اذكره بآخر البيت=على نبـــــــــي ديـــــنه اخــــــير الاديان

وجعلنا الله من عباده المخلصين وتقبلوا تحياتي

[حمد الخمعلي]

ثبت ان الخط مو واضح

توي قست النظر ميه ميه

[مصلح النشمي]

.



الغالي طلال معيض


صح لسانك يالغالي وسلم احساسك الايماني الرائع


ابتهال جميل وروحانيه صادقة



بعد اذنك قمت بتنسيق القصيده كي تظهر بشكل اجمل مع حذف المكرر

لك الحب كله

تحياتي لك

[اورنس الهذال]

عليه الصلاة والسلام

ياطلال وافيه

وصح لسانك

واللهم آمين

دم بخير يالغالي

[عبدالله الثابت]

طلال معيض

قصيده جزله من شاعر جزل

صح لسانك

وتقبل تحياتي

[ماجد الغانم]

الأخ العزيز

والشاعر


طلال معيض


صح لسانك ....ولاهنت

على هذه القصيده التي تتضرع بها الى الله

سبحانه وتعالى



نسأل الله أن يغفر لنا ..ويرحمنا بواسع رحمته

دمت بكل خير

تقبل تحياااااتي

[حمد الخمعلي]

الاخ طلال معيض

القصيده أول مانزلتها كان تنسيق الون لها غير واضح000000000000


وحاولت أن قرأها في التكرار ولم أستطع0000000000



صح لسانك00وأسئل الله أن يغفر لنا ولجميع المسلمين


آآآآآآآآآآآآآآآآآآآآآآمـــــــــــــــــــــــــــ ين


تحياتي لك