الشلاقي وساجر الرفدي وحمود الرميزان

[سندريلا]

السلام عليكم ورحمة الله وبركاته

قصه لأحد شجعان الجزيره العربيه

غريب الشلاقي أحد رجال شمر الشجعان وأحد أبرز رجالات الشلقان في عصره

كان عقيد حرب وشاعر وفارس مغوار


فغريب الشلاقي له قصص جميله وبطوليه ولا تسع لموضوع واحد

لكن اتمنى ان اعرض لكم بعضا" عنه


سوف اورد لكم قصته مع الشيخ ساجر الرفدي والشيخ حمود بن رميزان


بعد كون رم العروف بين شمر والحويطات التي كانت نهايتها المنع..... لأني لا أريد ان اطيل عليكم....
.
.
.
.
.
وبعد تلك الحرب بسنين كانت صيحات الاخوان قريبه وافعالهم ليست من افعال الرجال حيث انهم

لايقدرون الكبير

ولايحشمون أحد وانهم هم الموحدين والعابدين والمؤمنين والغير كافر في جهنم وبئس المستقر كانت

هذه رؤيتهم

للغير وهذا من جهلهم بالدين وبسلوم العرب والرجال الاشاوس وكانت الطامه الكبرى على غريب حيث

ان بعض ربعه

انضموا لهذا التيار الجارف وقد تطاولوا وقطعوا سلوم العرب بأذائهم للقريب وقتلهم الكبير وتكفيرهم

للمسلمين ومن هذه

الحادثه نزح غريب واهله الى الجزيره ونزل على عقله كان يوجد عليها عنزه بقياده مرضي الرفدي

وحمود ابن رميزان

مرضي الرفدي شيخ السلقا من عنزه

وحمود بن رميزان رجل كريم جدا" ويسمى بـ حمر موس وذلك لكرمه الشديد

ووصف الموس (السكين) بأنها حمراء دائما من الدم...

...ومشهور لدى اهل الجزيره ويسمى أيضا بــأبو شغنتين ومعناها ان عمود بيته فيه

شغنتين وكل شغنه تعلق بها ذبيحه كل ليله

(الشغنه عند البدو هي التي تعلق فيها الذبيحه)


وقد تصافوا على نقاء ومرجله وكل ليله يسهرون عند احدهم وفي احد

المرات شاهد غريب زول رجل يقترب من بيته وسماته نجديه فشب النار وصلح المعاميل ولما لفاء

الرجل عرفه وكان

اللحيد وهو من المرامشه اهل موقق فغداه وقهواه وبعد ذلك قال غريب ها ياللحيد وش جايبك من ديره

المسلمين

الى ديره المشركين وهو بذلك يستهزي فقال اللحيد ياغريب والله ماهي ديره مسلمين الضيف يضرب

والناس استحلت دم

بعضها البعض من قدر على رفيقه قتله بأسم الاسلام وهربت بنفسي خوفا" عليها فسأله غريب على

بعض من يعرف بنجد

من سنجاره فقال الرفافه ضربوا الطريق وانا ناوي الجزيره فسلم عليه وذهب اللحيد وجلس غريب

يستذكر الماضي

ويتمناه ولكن محال ان يعود الا ان يأذن الله وفي أحدى جلساته من أخوياه الرفدي وابن رميزان شاهد

احد الصلب وهو

يشحذ من الحريم المعونه والاكل فعرفه غريب وكان مريف احد صلب سنجاره أهل نجد فقال غريب جاي

يأخوا طليحه

تعال للرجال وش تبي بالحريم فستغرب الصلبي من يعرفني وانا في العراق فألتفت بوجهه فعرف غريب

وطاح من شده

الفرح وأخذ يبكي فلما سكت قال غريب هاه يأخو طليحه وش جابك من عند المحرم انا خابرك تنصى

الرجال وتأخذ

حاجتك منهم وهو بذلك يريد ان ينومسه ويرفع رأسه عند الرجال فرد الصلبي وقال يأخو وضحي جيت يم

ناس مايعرفون

أخوطليحه وانحر الحريم بنت الحموله تطلع علي وتعطيني وبنت العفن تصك البيت من دوني فقال غريب

وش جابك

من اللي كافينك لقمتك ولبستك انت وعيالك ويقصد شمر نجد فقال الصلبي جابتن الذله على روحي

وعيالي من الاخوان

فنادى غريب على الحريم وامرهن بملى خروج الصلبي بالطعام والكسوه وبعد هذه الحادثتين من اللحيد

ومن الصلبي


قال غريب








يالله طلبتـك ياوسيـع المحاريـف &&&فتاح بيبـان الضعـوف المواحيـل
يالله ياللـي تعـز وتـذل وتخيـف &&&ياحامي اطراف الحرم من هل الفيل
تفكنـا مـن موقفـات الصواديـف &&&ومن شر نبـذات الليـال المقابيـل
ويادك بي من واهس القلب تكليـف &&&سيـرت يـم مبهريـن الفناجـيـل
من بيت ابو راكان ريف المناكيـف &&&اليا بيت ابو ساجر ملـم التحاويـل
مجالس يطرب لها راعـي الكيـف &&&ونزلـه بزينيـن القبـل والتعاليـل
بلن قلبي لاغسـن غـش ومخيـف &&&ياشفت زومات السلف والنزازيـل
يطري علي ربعا" بهم ندرة الحيـف &&&ياركبت الرشاه الرجال المحاحيـل
بسباب برجس هو وميـاح ياحيـف &&&ضاع الجهام ومرديت كنس الحيـل
اللي بهم نرعى الخطر والمخاويف &&&سوا" بهم سمـر الليالـي بهاذيـل
وشتاتهم من نجد الياسنـد السيـف &&&ولاينشمت بمور منشـي المخاييـل
ما ياراكب اللي كنهن بالتواصيـف &&&بسحاب ربدا" طالعا" شوف ازاوييل
يشدا" شواحيف نحاهن عواصيـف &&&الموت حاديهن وهن ارتكـن حيـل
يعبـن لتقطيـع الديـار المياهيـف &&&رملـن ولاذاقا"لهيـج المخالـيـل
وتنحروا يمت سهيـل اليـا شيـف &&&ومنا تروكـم يالنشامـى مراسيـل
وياعلكم بجاه من يقـري الضيـف &&&تلفون مـا مـرا" عليكـم غرابيـل
ياجيتوا عقرب والرعون المشاريف &&&تزفرقـوا قطعانـهـم بالدرابـيـل
واليـا لفيتـوا للربـاع المشانيـف &&&قولوا لبو علوش ريـف المراميـل
قل ياحيف ياغضبان ياحيف ياحيف &&&تنسون مروين الغلـب والشناشيـل
ياخـو دليـل مابنجـد تحاسـيـف &&&يمر بهـا قـواد غلـب الفواصيـل
هل الفعول الصدق والحكم بالسيف &&&اليا سربه شحص المهار المشاويل
اللي بنجد ذللـوا شـذره السيـف &&&راحوا شتات للسيـوف المساميـل
وياخوا دليل ما بنجـد مصاريـف &&&باقـت بنطـاح الوجيـه المقابيـل
وشامه لبن مقرن بعيـد المناطيـف &&&لسربه هل العوجا تـذج الهلاهيـل
شوم عن ديار عافها الحيد ومريـف &&&والرزق عند اللي يجيب الهماليـل
دار بها الحقران يضربها الضيـف &&&ماتنسكن دار الخـزى والتخاجيـل
وتر بعدك اطيب عن عفون الدناديف &&&دوارت الجنـه بذبـح الرجاجيـل
واعرف فليج انه بنقـره ذغيغيـف &&&علمه مع اللي يفرق الصبح والليـل
وياحيف ياحلفك لزين التخاصيـف &&&&وهو حصنيا" مستذيبـا" بالتهاويـل
هو حصنيا" يبـي يعنـف تعانيـف &&&&او طيرتن تطنب بروس الغراميـل
حلفك يجوز لعايزيـن التواصيـف &&&&فهود الزراج اللي تخيل المخاييـل
وتزاعجوا عنهـا بعـاد المساليـف &&&وزاحت هل النوها بعد المراحيـل
لديار شمر نقري الجار والضيـف &&&&وعسى بخيرات المكاريـه تسفيـل
بين الضياغم والسيافا هـل السيـف &&&واولاد مسعـود بعـاد المصاويـل
وربعي هل الجدعا ليا صدرا" عيف &&&لهـم بروجـات السبايـا تنافـيـل
وعيال الفديغي فوق قب مزاغيـف &&&خيالـت الادراك ماهـم تـزاويـل
ومع سربه العصلان عند التحاريف &&&يروون عطشان الحراب المغاليـل
وغلبا بكضات الحرايـب مواليـف &&&يتلون من عقب المحـزم مشاكيـل
بالله ثـم بسبابهـم ديـرة الريـف &&&&نرعاه لو دونه أراضي هل السيـل



بعض المعاني


ابو راكان :::حمود الرميزان العنزي

ابو ساجر :::مرضي الرفدي العنزي

برجس ::::هو برجس ابن عردان الشمري

مياح ::::هو مياح الشلاقي الشمري

أخودليل :::غضبان ابن رمال الشمري

عقب المحزم مشاكيل ::: الجربان شيوخ شمر

وبعد القصيده رحل الى ضواحي دهاما عند العواصي وقد استقبلوه بالترحاب والتكريم الجربان والثابت

وقد

جاور الحدبان فقال الحدب ياالثابت ترو ماهو انا شيخكم ترو شيخكم غريب الشلاقي وثابتي تبي تشت

ذلوله عن غريب فعليه الطلاق والجيره فلا ينزل مع الثابت وانا راسي يشم الهواء وقد وفوا الثابت

مع غريب وغزوا معه اكثر من غزوا

وان ثاري عند الوضحان وهم مع الفدعان من عنزه الى هالساعه وانتهم أخوان واقراب ولن يمسكم

مني مكروه وصفت بين غريب والجربان والثابت والحدبان


وبعد فتره مرض غريب الشلاقي ولفى الي حايل ونزل عند قصر ابن مساعد وسلم عليه وشار عليه ابن

مساعد انه يتعالج

بالحساء فقال غريب يامير انا ما جيت ابي علاج جيت ابسلم وابي قرب الرسول وذهب غريب وعند

وصوله

للمدينه بأيام توفي رحمه الله وصلي عليه بالحرم النبوي ودفن بالمدينه وهي منيته وبذلك انتهت قصت

رجل من

رجالات شمر الاشاوس بعد ان ملئها بالكرم والفروسيه وعلوم الرجال الطيبه...........

وسامحوني لاني ماكتبت القصه كامله ماودي اطولها عليكم...

[عبدالعزيز الرميزان]

السلام عليكم ورحمة الله وبركاته
.
.
.
الاخت سندريلا...او افتخر....


شكرا لك على هذا الموضوع الرائع والذي اعتقد أنه أنا من يجب عليه ان يكتب هذا الموضوع


لأن مرضي الرفدي شيخ عموم السلقا(يعني شيخي)عليه رحمة الله وحمود بن رميزان جدي عليه رحمة الله


وغريب الشلاقي شمري وشمر خوالي بس مو الشلقان خوالي ..... لكن اسمهم شمر والعايش هم خوالي

ولكن اشكرك على هذا الموضوع ...... بس أنا شفته بمنتديات كثيره ليه ما تكتبين(منقووول)منغول....



لا يكشفونك اهل الموضوع مثل ما كشفو سارق الشطحات النشميه......


أشكرك اختي سندريلا .......... وأتمنى ان تكوني تحملتي مروري ومشاركتي في موضوعك

فقط كنت أمازحك لا اكثر

الشكر كل الشكر لك اختي.....

أخوك:::::عبدالعزيز الرميزان...

[سندريلا]

هلا اخوي عبدالعزيز

اسمحلي اخوي نسيت اكتب منقول وانا عدوة اللطش والحمدلله مواضيعي كلها انا اكتبها وماني محتاجه انقل بس الابيات اعجبتني وحطيتها في المختارات وشي طبيعي المختارات اكيد تكون منقوله من غير ماكتب وبعدين انا معروفه بالكسل والعرق السوداني يعني مستحيل اتعب عمري واكتب لكم قصه طويله بهالشكل


شاكره لك مرورك ياحفيد حمر موس

[عبدالله مرضي]

سنديلااااااااااااااااااااااااا مشكوره على هذا النقل

بالعكس انتي لستي كسووووووووله انتي نشيطه ومجتهده

والله يعطيك اااااااااااااااااااالعافيه

[سندريلا]

مشكور اخوي وشهادتك اعتز فيها وجزاك الله خير على المرور والاطراء


تحياتي لشخصكــ الكريم

[سندريلا]

المشاركة الأصلية كتبت بواسطة سعد صالح المطرفي

الاخت والكاتبه الرائعه.


سندريلا.



لكِ الشكر


على ذكر شخصيات لم تتعود الا على فعل الطيب.


اسماء لها تاريخها المشرف. في وقتهم و وقتنا والسنين القادمه.

تحياتي.


اخوك


سعد المطرفي

يامرحبا ملايين يابو سماااااااااااا

اشكر مرور وتشريفك هذا الموضوع

تحيه واحترام لك اخي

[عامر الشلاقي]

بارك الله فيك اختي واشكرك على نقل هذه القصة الرائعه والتي تحكي تاريخ من الكرم والسخاء والمحبة بين قبيلتين عزيزتين على الجميع

شكرا للاخوة على ردودهم والله يديم الجميع


تقلبي مروري المتأخر