لا صرت بايع خوتي روح بخير

[احمد البطمان]

السلام عليكم اعضاء هذا الصرح الشامخ



اضع بين ايديكم هذه المتواضعه التي اتمنى ان تحوز على رضاكم

لا صرت بايع خوتي روح بخير=روح مراح الطير والجو هادي
بس انتبه ياخوي لا تجرح الطير=ترا الطيور تبان وقت الهدادي
لا صار جوك فيه عج ومعاصير=واصبح خوي الدرب مثل الاعادي
لا ينشغل بالك ترا كوننا صغير=والصيف من عقبه يجينا البرادي
ما كنت احسب الغدر يحتاج تفكير=ولاكنت احسب قلوبهم ذي جمادي
الين جتني طعنة الغدر تخدير=من خلف ضهري جاك علم وكادي
كل يوم اقلطهم ضيوف ومسايير=والقهوه السودا بها الهيل زادي
الوجه الابيض يا هلا والمقادير=ترحيبه الويلان حضر وبوادي
ياكم تنميتك على شوفه الغير=ماكنت احب اشوف ناس جدادي
لكن طبعي من طبع سالم الزير=ليا زعل يطغى على كل عادي
ماعاد ترقع هرجتك بالمعاذير=والكذب الابيض راح ماله معادي
ذبحتني بالكذب ذبحه تعازير=صرت اتمنى موتتي في رقادي
ما ودي اقعد لا لفت حزه عصير=واشوف وجه البوم والا الجرادي
ومادام ابونا وايل وجدنا الزير=(ألبس على فرقاي ثوب الحدادي)
ولا صرت بايع خوتي روح بخير=روح مراح الطير والجو هادي

احمد البطمان

[تركي صالح]

احمد البطمان


صح لسانك وسلم بنانك


رائعه رائعه


دمت على هذا الطرح وهذه الكلمات الرائع


ودام طرحك الراقي


وتقبل فائق التقدير والاحترام

[سندريلا]

لاصرت بايعيني اشوفك علي خير مع السلامه دام ما بها سلامه


قلت انتهينا قلتلك خير يا طير ماني بأول شخص يخسر غرامه



محذرك من قبلها الف تحذير لعفتني بعيف قلبي اهيامه


ماني بميت لا ولا احتاج تبرير صح الله لسانك ووفر كلامه


بسمعك حبكه وفكره وتصوير وافهم عدل يا مدعي بالفهامه


وجه الشعر ابيض ويحتاج تغير ودي تزين عالقصيده علام


ماضيك الاسود بذكره دون تقصير كذا يكون بخد هالشعر شامه


يصدق معي تعبير ويخون تعبير يا ضيعه الشاعر بوقت انسجامه


يمكن خطأ ادونك بالشعر مير لو محترمتك بالغرام احترمه


ما كان حبك غير بس طعنتك غير علمتني معني الندم والندامه


ما جاك مني اي زله او تقصير كل ما خطيت اعاتبك بابتسامه


حسبي علي الذكرى اذا هبت عصير ما عاد تنفع شرهتي والملامه


البال ضامي وقتها والحزن بير خسرتك وهمي كسبت اهتمامه


والليل فازعلك كذا جاني مغير ضلمتني واكثر ضلمني ضلامه


ليه اقبل علي اوحيت صوت المسايير وفزيت كل ضيف اقوم بمقامه


ولعزم هالليل ضيقه وتفكير قلي بربك كيف بقدر انامه


مافي داعي للعتب والمعاذير الغدر خال الجرح واطيب اعمامه


ام يجيب الله مطر تاليه خير ولا سلامه مافيها سلامه


محمد جارالله السهلي

سؤال يطرح نفسه

هذي القصيده توارد افكار ام اقتباس ام سرقه

[صريح في زمن جريح]

صح لسانك مليون اخوي احمدالبطمان

توارد خواطر في الشطر الاول من البيت الاول يا اخت سندريلا وليس سرقة ادبيه

[بدر الحنيف]

أحمد البطمان ،،


حضور جميل ..

يبني من الحرووف جسور للجمال ..


صح السانك ولا هنت ..


دام هذا البوح ..

تقديري ،،

[احمد البطمان]

اخوي تركي صالح



صح بدنك ولا هنت على المرور الكريم





مرورك وسام على القصيده



دمت بكل ود



أخوكـ،: احمد البطمان

[احمد البطمان]

سؤال يطرح نفسه

هذي القصيده توارد افكار ام اقتباس ام سرقه




اخت سندريلا



أول شي اذكره ان القصيده هذه انا كاتبها قبل لا اسمع قصيده محمد جار الله السهلي ويمكن ما يكون تبرير مقنع



ولكن موضوع القصيده متقارب ولكن الابيات مستحيل تكون نفس الابيات



لو دققتي بالقصيده رح تعرفين المعنى



كل شاعر يكتب حسب الجو الي كان عليه وتجي معه القصيده





مشكوره على مرورك الكريم



احمد البطمان