بيت ( لأبن رشيد)

[عبدالله المعزي]

احبتي أهديكم هذه المشاعر عن شعرنا القديم امل ان ترقى الى ذايقتكم الجميله

حط النعول المغزل العين يا حسين=وافرش لها من ردن ثوبك اليانـه
البيت ماصغته وانا ماني بشيـن=و أشوم عن طبع الغدر والخيانـه
بيتاً حفظته ياعرب لي من سنيـن=لأبن رشيـد الـي كتبـه بزمانـه
فيه الخيال العذب والحـب واليـن=و فيه الوصاه الحامليـن الامانـة
اعذب طروق الشعر كانت وللحين=بجمل قصايدهم نشـوف الرزانـه
كنزاً ورثنا من جـدودن مياميـن=ماهي سوات الهرطقـه دان دانـه
جيلن مضى لو بينهم حرب حطين=يمشون في قولة السانه حصانـه
والطير اهده من فروخ الشياهيـن=الخرب لا شافه قعد فـي مكانـه
لعن الولع يا مسندي و الولع شين=لا صرت رجـالاً وطبعـك تكانـه
يخلفك عن ممشاك ماتدري منيـن=وناساً ماهي كفوفك تشيل الميانـه
للشعر الاول سطوتـاً بالمياديـن=هو ترجمان اهل الفكر هو بيانـه
رسايله جابت قصـور السلاطيـن=ومنه النصايح عن دروب المهانه
قالوترى بالصبر مقضـاة ثنتيـن=تكسب جميل وتأخـده فـي اوانـه
معنى جزل لوهو شطر بين بيتيـن=مثل السفير الي حظى بالحصانـه
الشعر نبع احساس ماهو تخاميـن=تصوير للواقـع بصـدق وليانـه
ما يجمعه من يجهل السين والشين=الي بداء وطلـق لروحـه عنانـه
واهل الجزاله بالمحافـل قليليـن=مثل الذهب صافي بريق المعانـه
امثال من جنب عن اليـل ياعيـن=والحب لوعنـي ويلعـن زمانـه
نظم الغزل ياسامعي لـه قوانين=ماينكتب بسلوب فحش و مجانـه
اجمل من التفاح واطعم من التيـن=وارق من ريحت شذى القحويانـه
يكتب بعذبات الوصـال المزاييـن=الطاهـرات الحافظـات الديـانـه
وارجع واقول ان الشعر بالموازين=من حسب الوزنه نجـح بمتحانـه

وتقبلو تحياتي

[البيداء]

يقول إبن رشيد



ارم النعل لمغزل العين ياحسين

* * * * * * * * * * * * * * واقطـع لــهـا من راس ردنك لـيـانــه


جنب حثاث القاع واتبع به اللين

* * * * * * * * * * * * * واقصر اخطاك شوي وامش امشـيانه


ياحسين والله مالها سبت رجلين

* * * * * * * * * * * * * ياحسـين شيـب بالضـمـيـر إهـكـعانـه


وان شلتها ياحسين تر مابها شين

* * * * * * * * * * * * * ترى الخوي ياحسين مـثأل الأمـانــه


مايستشك ياحسين كود الرديين

* * * * * * * * * * * * ولا تــرى الطـيــب وســيــع بــطـــانــه


لابد ماحنا عن الضلع مــقـفـيـن

* * * * * * * * * * * * * ولابــد مانـــاصــل نـــفــود ولــيــانــه









صح لسانك أخوي ( عبدالله المعزي ) ،، ولا هنت على هالقصيدة الطيبة



وعلى هالمعاني الزينة ،، والأسلوب الفريد بكتابة الأبيات



وخصوصاً أول بيت ،، كان بداية جيدة تفتتح به قصيدتك ،، وتنثر بعدوه ماجال بفكرك وخاطرك



من أفكار وروائع






تسلم طال عمرك على هالرائعة هذي ،، اللي بحق جزلة ولا يختلف عليه إثنين ،، وأثبت لنفسك إنك شاعر جزل ومن اهل الجزالة


ومثل ماقلت :


واهل الجزاله بالمحافـل قليليـن

* * * * * * * * * * * * * مثل الذهب صافي بريق المعانـه






مرة ثانية صح لسانك يالشاعر ،، وحنا ننتظر جديد الجاي اللي انتمناه انه يكون بروعة هالقصيدة هذي


وأحسن ،، وعساك عالقوة دوم .....




تحياتي ..... الــبـــيـــــــداء

[عبدالله المعزي]

المشاركة الأصلية كتبت بواسطة البيداء

يقول إبن رشيد



ارم النعل لمغزل العين ياحسين

* * * * * * * * * * * * * * واقطـع لــهـا من راس ردنك لـيـانــه


جنب حثاث القاع واتبع به اللين

* * * * * * * * * * * * * واقصر اخطاك شوي وامش امشـيانه


ياحسين والله مالها سبت رجلين

* * * * * * * * * * * * * ياحسـين شيـب بالضـمـيـر إهـكـعانـه


وان شلتها ياحسين تر مابها شين

* * * * * * * * * * * * * ترى الخوي ياحسين مـثأل الأمـانــه


مايستشك ياحسين كود الرديين

* * * * * * * * * * * * ولا تــرى الطـيــب وســيــع بــطـــانــه


لابد ماحنا عن الضلع مــقـفـيـن

* * * * * * * * * * * * * ولابــد مانـــاصــل نـــفــود ولــيــانــه









صح لسانك أخوي ( عبدالله المعزي ) ،، ولا هنت على هالقصيدة الطيبة



وعلى هالمعاني الزينة ،، والأسلوب الفريد بكتابة الأبيات



وخصوصاً أول بيت ،، كان بداية جيدة تفتتح به قصيدتك ،، وتنثر بعدوه ماجال بفكرك وخاطرك



من أفكار وروائع






تسلم طال عمرك على هالرائعة هذي ،، اللي بحق جزلة ولا يختلف عليه إثنين ،، وأثبت لنفسك إنك شاعر جزل ومن اهل الجزالة


ومثل ماقلت :


واهل الجزاله بالمحافـل قليليـن

* * * * * * * * * * * * * مثل الذهب صافي بريق المعانـه






مرة ثانية صح لسانك يالشاعر ،، وحنا ننتظر جديد الجاي اللي انتمناه انه يكون بروعة هالقصيدة هذي


وأحسن ،، وعساك عالقوة دوم .....




تحياتي ..... الــبـــيـــــــداء

الاخت العزيزه

البيداء

للشعر القديم رونقه الجميل فهو يصب مباشره في صلب الموضوع

مع الاخذ بالاعتبار رسم الوحات الجميله وتضمين القصيده لبعض الحكم

التي تكون بنفس الموضوع مرورك الجميل زاد من جمال القصيده

انسانه متميزه تكتبين بعقل المفكر الكبير وبأحساس الشاعر المتمرس

لكي كل الشكر وماقصرتي اختي العزيزه


تقبلي تحياتي

[عبدالله عايد]

عبدالله معزي

كان البيت الاول بمثابة تذكير بالشعراء القدماء

وكانت القصيدة راااائعة كما عودنا الشاعر عبدالله معزي

سلم فكرك ودام تواصلك ودمت بهذه الروعة

عبدالله معزي نظرتي تجاه ما تكتب لن تتغير

فأنت لك طريقتك الخاصة وافكارك المستقلة

صح لساااانك مدد بلا عدد ودام هذا الحضور الرااائع

وتقبل فائق تحياتي لجنابك

[عبدالله المعزي]

المشاركة الأصلية كتبت بواسطة عبدالله عايد

عبدالله معزي

كان البيت الاول بمثابة تذكير بالشعراء القدماء

وكانت القصيدة راااائعة كما عودنا الشاعر عبدالله معزي

سلم فكرك ودام تواصلك ودمت بهذه الروعة

عبدالله معزي نظرتي تجاه ما تكتب لن تتغير

فأنت لك طريقتك الخاصة وافكارك المستقلة

صح لساااانك مدد بلا عدد ودام هذا الحضور الرااائع

وتقبل فائق تحياتي لجنابك

الغالي حيل حيل


ابو عايد


تسلم لي وتسلم نظرتك عبدالله انت وفي ومخلص


بكل شي حتى بردودك 000افرح كل الفرح بوجودك


في هذه المشاركه ولك مني كل التقدير00000000


يا شاعر الابداع والاحساس والمفرده العذبه


تقبل تحياتي

[سعوط المجانين]

وارجع واقول ان الشعر بالموازين
من حسب الوزنه نجـح بمتحانـه

الله الله عليك صح لسانك ولاهنت يالجزل وعزالله انك نجحت باامتحانه

تحياتي

...

[عبدالله المعزي]

المشاركة الأصلية كتبت بواسطة سعوط المجانين

وارجع واقول ان الشعر بالموازين
من حسب الوزنه نجـح بمتحانـه

الله الله عليك صح لسانك ولاهنت يالجزل وعزالله انك نجحت باامتحانه

تحياتي

...

الاخ العزيز سعوط المجانين



ماتهون يالغالي ماتهون




صح بدنك واتمنى ان اكون قد نجحت بالامتحان


من القلب شكراً على مرورك الطيف



تقبل تحياتي