جـــــاره القمــــــــر - °~*¤®§(§ شبـــكة ويــلان العـربـيـه §)§®¤*~ˆ°

**ماجد صخنان** · 21/12/06, (01:23 AM)

من دعوة عزيزة من الاخ ( معيض الرفدي )
اتيت بين اهلي
اتمنى ان الاقي بعض الاستحسان من ذائقتكم الشاهقه
.
,
,
,

جت وانااللي جالس ٍ جنب الجدار=وسط حوش ٍ ما انفرش وسطه حصير
جت ووظعي مزري بذاك النهار=كنت منهك بس منهك للاخير
قالت ابغى منك شي ابلا اختيار = قلت قولي .. بس قولي من الاخير
قالت ابغى كلمتين وباختصار= تختصر لي فيهن الشي الكثير
قلت احبك واركضت مثل الصغار=وعانقتني وقالت اليوم ابغى اطير
قلت طيري ..وطيرني للمدار= لين احس اني على الغيمه اسير
لين انال النجم في يدٌي اليسار=والقمر في وسط يمنايه يصير
لين اشم اعطورك بوسط البحار=ولين اشوفك لولو بصحرى ينير
ادري انه شي بالدنيا ماصار = حتى بالاحلام انا ادري مايصير
بس انا في نظرتي مااقبل حوار = اية انا عاشق ومجنون وضرير
يعني رجلك لو يلامسها الغبار = فاح لك من تحت رجلينك عبير
ولوتنادي للقمر كيفك ياجار = جاوبك ياجارتي ماني بخير
لانك اول شخص انا منٌه اغار = ذا .. لانك عن جميع الناس غير

,
,
,
ماجدصخنان العنزي

**عبدالله عايد** · 21/12/06, (04:18 AM)

ما جد صخنان

اهلا وسهلا وحياك الله بين اخوانك

سعداء بإنضمامك لنا

وصح لسانك على هذه القصيدة

نتمنى ان نقراء لك المزيد

وتقبل فائق تحياتي لك .

**بدر الحنيف** · 21/12/06, (11:06 AM)

مــاجــد صــخــنــان ،،

يــا مــرحــبا .. بــك بــن اخـــوانــك وأهــلـــك كــمــا تــفــضـــلت ..

وشــكــرا .. لــمــعــيض الــرفــدي لــدعــوتــة .. الــكــريــمه .. الــتــي .. لــيــضــيف .. بــها ..

للــشــعــر .. صــوت قــادم .. بـقــوة ..

حــضـــور .. يــبـــشرنــا بــقــدووم .. شـــاعر ..

جــــزل ..

جـــزل ..

ورااااااااائـــع ..

بــنـــص يــســحـــق .. التـــصــفـــيق .. بــحـــراره .

بــإنــتــظــار .. الــمـــزيـــد ..

داااام .. بــــوحــك .. بهـــذا الـــتـــوهــج ..

كـــــل الحــــب .. والـــتـــقــــديــر ،،،

**هندي المقبل** · 21/12/06, (11:10 AM)

ولوتنادي للقمـر كيفـك ياجـار ============ جاوبـك ياجارتـي مانـي بخـيـر
لانك اول شخص انا منٌـه اغـار ============ ذا .. لانك عن جميع النـاس غيـر

------------------------------------------------------------

الشاعر ماجد صخنان

صح الله لسانك على مانطق به وسلم الله بنانك على ماكتبته

سلمت ودام هذا الابداع

دمت لنا

**جرح العنزي** · 21/12/06, (12:32 PM)

الشاعر المتألق ماجد صخنان العنزي

انا شاعر ولك شاعر انا ماجد ولد صخنان 000 بقلم شعري كتبت إسمي وهذا شي يكفيني

بيت لازالت إردده من فتره طويله

فإعجابي بك وبما تنزف ليس وليد اليوم

ياهلا ومليون غلا فيك بمنتدى ويلان

اسعدنا حضــورك بمنتـدى ويلان

صح لسانك على الرائعــه

واتمنى الاتحرمنا من بوحك

كل الوود

**سلطان المسلط** · 21/12/06, (10:10 PM)

ماجد صخنان .. ياهلا والله فيك بين اخوانك وربعك

منور المنتدى يالغالي

بالنسبه للقصيده

كما قال الاخ بدر حنيف

هي بشاره لوجود شاعر قوي وجزل بيننا

بانتظار الجديد

سلطان المسلط

**اورنس الهذال** · 22/12/06, (05:50 AM)

الشكر لمعيض الرفدي على دعوته الخاصه جدا جدا

يعني رجلك لـو يلامسهـا الغبـار
فاح لك من تحت رجلينـك عبيـر
ولوتنادي للقمـر كيفـك ياجـار
جاوبـك ياجارتـي مانـي بخـيـر

الشاعر المبدع ماجد صخنان

لله درك

صح لسانك مليووون يالغالي ولاهنت

وحياك الله بيننا وياهلا ويامرحبا

ودائًماً بإنتظار القادم منك بشوق

دم بخير