التصميم..والوان الشاشه - °~*¤®§(§ شبـــكة ويــلان العـربـيـه §)§®¤*~ˆ°

**المشاعر** · 09/10/06, (07:25 PM)

السلام عليكم والرحمه

احترت مدري وين احط موضوعي

ليه ماتحطون منتدى لللأسئلة وتبادل الخبرات

المهم انا نزلت الموضوع هنا انتسانه غلط انقلوه بمحله

..
..

ياليت احد يساعدني لان من جد مكتئبه

انا شريت لاب توب وياليني ماشريت

لان يوم نقلت تصاميمي فيه لقيت الوانها معتمه ومختلفه كثير انصدمت صدمه فضيعه من شدة الصدمه حسيت ان خشتي مالت

مدري هو من شاشة الاب توب يعني الاب توب ماينفع لتصميم وفيه الالوان معتمه؟
ولاشاشة جهازي المكتبي قديمه

لان يوم شفت جهازي الاول لقيت الالوان فيه اكثر شي 1024by768
وفي الاب توب لقيتها 1280by800

وش اختار اللون في الاب توب عشان التصميم؟؟؟؟؟؟؟

وودي اعرف الناس وشلون كانوا يشفون تصاميمي مثل ماكنت اشوفها بجهازي الاول او بمثل عرضها بالاب توب <<< ودها تبتسي

ياليت اللي عنده خبره ويعرف يفيدني

وشوووكرررااان

**محمد الدلماني** · 09/10/06, (08:44 PM)

هلا المشاعر يالله عقرب اقصد يالله حيها

اقول كرت الشاشه بالجهاز كم؟

او حطي الالوان على 800 مو 1280 يعني ال 1280 تطلع الملفات اللي سطح المكتب كبيره بس ال 800 تطلع افضل

انتي شوفي كرت الشاشه الاهم لان يمكن كان عالي بالجهاز الاول واختلف عليكم

طريقة معرفة كرت الشاشه

روحي لستارت بعدين رن run
بعدين حطي هالكلمه dxdiag بعدين يس بعدها بتطلع مواصفات الجهاز اختاري display وشوفي التوتل ميموري للجهازين

انتظرك

**المشاعر** · 09/10/06, (10:27 PM)

هلابك الدلماني

مدري بصراحه وش ازين بس انا صورتهم لك

هذا المكتبي

وذا الاب توب

الحين ودي ادري وش ازين
يعني الناس وش يستخدمون غالباً

اصمم على الاب توب ولا ارجع لجهازي بس

**محمد الدلماني** · 10/10/06, (03:06 AM)

لا اللابتوب اقوى من جهازكم الاول

ومافيه اي مشاكل من ناحية كرت الشاشه

اتوقع المشكله من الاعدادات

اذ بنتأكد عطيني صوره من القديم وصوره من الجديد علشان يبين العيب ويتم تحديده بالظبط....صج انها دوخه بس اتوقع المشكله في الأعدادات لان كرت الشاشه 256 انتل واقوى بكثير من القديم

**المشاعر** · 10/10/06, (10:23 AM)

منتب قادر تشوفها

حاولت يوم قصيت واحد من تصاميمي بالاب توب ونقلته للمكتبي عادي الوانه حلوه اشوفها زين

بس بالاب توب اشوفها غير

يعني انت تشوفه بالوان شاشتك حتى لو قصيتها

اتوقع كل الاب توبات تسذا لان سالت مجموعه من اللي معي بالماسنجر صاروا مثلي

بس انا بعلمك وشلون اشوفها

شف مثلاً هالتصميم

في المكتبي اشوف كتبة رمضان مدرجة بالاخضر انا مسويتها تسذا
بالاب توب طالعلي لون تسنه زيتي مايل للاسود

واسمي تحت المشاعر كاتبتها رمادي فاتح
بالاب توب طالع لونها اسود

وتعتيق الجدار بالمكتبي تعتيق حلوو وحاطه اظائه للمصباح
بالاب توب طالع التعتيق مهوب كله بس بعضه تسنه شخاميط بزر

عندك الاستروك للاوراق الخضرا حاطه الاستروك اخضر
بالاب توب طالع اسود

ولاهوب تصميمي ذا حتى غيره لقيت فرق

يعني مايدعم الوان كثيره

بس انا بدور لي جهاز مكتبي كرت شاشته جديد
وبشوف فيه فرق

يمكن غيروا باكواد الالوان في الجديدات

او ان الاب توب مايصلح لتصميم <<<<<<<<<< وه داخت

انا مهوب لوني معرسه وجايبه عيال ازين لي بلا دراسه بلا تصميم بلا بطيخ <<<< مدري وش دخل البطيخ بس اسمعهم يقولون تسذا

**محمد الدلماني** · 10/10/06, (01:55 PM)

هههههههههههههههههههههههههههههههههههههههه

انا اقولج البطيخ هذا هو اسم يأتي دائما مع المشاكل فالناس تربطه على طول بالموضوع

يايبا اللابتوب عندي مافيه اي شي وهذي تصاميم لكم عندي شوفو الوانهم ماتغيرو

هذا الثاني

...

**المشاعر** · 10/10/06, (07:04 PM)

لا فيه فرق بس انت شكلك مانتبهت

هي نفس الالوان بس بالاب توب تطلع اغمق

انت قارن جب جهاز مكتبي وشف التصميم فيه وخل الاب توب قدامك وشف بتلقى فرق

بس تصميم ياغايبه طالع شيئ بالاب توب حلووو حيل يمكن عشان الوانه اصلاً غامقه

الضاهر اني بصمم على المكتبي دامني متعوده عليه <<<< اقرويه لاتعودة على شيء ماتقدر تتركه

وبخلي ذا لتصفح والدوجة

وتسلم...دوختك معي