هذا جوابٍ عاجل لطـاش ماطـاش()()يخزي وجه ناصر ويخـزي حليفـه (بالصوووت) - °~*¤®§(§ شبـــكة ويــلان العـربـيـه §)§®¤*~ˆ°

**فايز البذيلي** · 03/10/06, (07:19 PM)

بسم الله الرحمن الرحيم

أرسل لي أحد الأخوة الأفاضل رابط لقصيدة أحد الشعراء

لكنها ليست كأي قصيدة

هي والله قصيدة خرجت من قلب شاعر غيور على دينه وعلماءه ومن تمسك فيه , نحسبه كذلك والله حسيبه

وجهها إلى سفهاء وفجرة طاش ما طاش الذين تمادوا في الاستهزاء حتى بلغ استهزاؤهم بالله عز وجل ودينه وسنة نبيه صلى الله عليه وسلم , ألا جازاهم الله بما يستحقون

أترككم مع القصيدة :

البارحة كن الفضاء غرفـة انعـاش= وانا المريض الـي حياتـه كسيفـه
والهـم ذيـب ٍ للمعاليـق عـراش=والقلب شيخ ٍ واعضم الحزن ضيفـه
واليا نشدنـي واحـدٍ قلتلـه مـاش=مابـه جديـدٍ للقـديـم بنضيـفـه
ياليتها ضيق ٍ فـالأرزاق واعتـاش=اعتاش لو ما القى بعمري وضيفـه
وليت السبب حب ٍ للأطراف رعاش=كـم من وليـف ٍ ماحصلـه وليـفـه
مير البـلا لاشفـت للديـن نهـاش=امن النفـوس الحاقـدات الضعيفـه
ومن عادتي لا جبتها جبتهـا كـاش=والي زعل يزعل على كيـف كيفـه
هذا جوابٍ عاجل لطـاش ماطـاش=يخزي وجه ناصر ويخـزي حليفـه
مانقبل الصـوره بتفكيـر حشـاش=لأهل القلوب الطاهـرات الشريفـه
لا عاش من يشتم هل الدين لا عاش=ولا عاش من يشهر على الدين سيفه
ذولا هل التوحيد يالغـادر الغـاش=ريفك وريف الي خذا الوقت ريفـه
اقلوبهم بيضا وابيض مـن الشـاش=وافعالهـم عنـد المعـادي كليـفـه
ذولا رجال الدين ياكلب الاحـواش=الله مكرمـهـم بمـلـه حنـيـفـه
ولا انت ضايع بايع الديـن ببـلاش=بصيرتـك بيـن البصايـر كفيفـه
بكره ليا جتك المنيه علـى فـراش=ومرت حياتك قدم عينـك عصيفـه
وحسيت في روحك تراقى مع الجاش=ودموع عينك فـوق خـدك ذريفـه
عرفت بأنك مرتكيلك علـى قشـاش=وانك ضلمت اهل القلوب النضيفـه
في وقتها مالك من الموت منحـاش=بيحاسبـك راع العـدل والنصيفـه
ولحدن بمرمش لا توفيـت برمـاش=جيفه ومن يبكي من النـاس جيفـه؟
ان عشت يا خفاش وان مت خفـاش=مايفقـدك غيـر العقـول الخفيفـه
وختامهـا مانـي بجايـك برشـاش=لأنا بحكم اهـل السيـوف الرهيفـه
مير افهم الموضوع ياطاش ماطاش=واترك تفاهـات اليهـود السخيفـه

كتبها : نايــف بن عريويل

للاستماع لها بصوته

اضغط هنااا(حفظ باسم)

بصيغة الجوااال حمل هناا

كل التحية