(((((((((الـــــــــــــــــــنـــــعـــــــاس ..!!!)))))))))

[مصلح النشمي]

.



النُعاس يأتي قبل النوم ...(فيه احد ينام بدون ماينعس )

وهناك نُعاس الرمش ..يقال (الرموش الناعسه) كنايه عن قمة الجمال في العينين...


ماذا يحدث ان تصادف (النُعاسان)..نعاس النوم ونعاس الرمش..



متواضعة اتمنى ان تحوز على اعجابكم..

يا "نوم" تكفى بسألك..//..لاجيتها بإيدك "نعاس" = وشلون تقدر للـ"نعاس"..//..اللي برمش عيونها..!!
تقدر تقاوم شدته ؟؟ ..//..والا تجي له بانعكاس = والا تموت من الظما ..//..على ضفاف جفونها!!
اللي اعرف ان "السهر"..//.. قبلك وهو صعب المراس=حاول يداعب جفنها..//..لكن عجز من دونها!!
الفاتنة في قدها..//..من راسها حتى المداس= في طولها..في قولها.. في شكلها ..في لونها!
والله ما ألومك يا "متر"..//..تذوب عند اخذ المقاس = تقمز من"الملّي"..."شبر"..//..وتضيع عند متونها
هذيك لامن جت هنا!!..//..الدم يوقف باحتباس=ترقى بعالي اضلعي..//..والأوردة يتلونها
هذيك لا قالت:هلا..//..ابدا صعودٍ بانتكاس=كنْها تغني في (هلا) ..//..اضيع عند لحونها
جيت اتسابق يمها..//..أنا وقلبي في حماس=من اللي يسبق صاحبه..//..يحصل على مضمونها!!
"قلبي" مقابل "عشقها"..//..اليا بغت راسٍ بـ..راس=واكتب على قلبي فدا..//..مدامني مجنونها
و يا "نوم" تكفى بسألك..//..لاجيتها بإيدك "نعاس" = وشلون تقدر للـ"نعاس"..//..اللي برمش عيونها..!!

لكم حبي

[ابن نوبان]

يعطيك العافيه يا أخ مصلح على هذه القصيده الرائعه والجميله وصح لسانك

[مزيد المزيد]

قلبي" مقابل "عشقها"..//..اليـا بغـت راسٍ ب..راس
واكتـب علـى قلبـي فدا..//..مدامنـي مجنونـهـا

و يا "نوم" تكفى بسألك..//..لاجيتها بإيـدك "نعـاس"
وشلون تقدر لل"نعاس"..//..اللي برمش عيونهـا..!!




الله الله عليك ياعمر غربي مبطين عنك وعن ابداعاتك




مصيبه لما يجتمعن الثنين // نعاس النوم ونعاس الرمش




يخررررررررب حريشك على هيك وصف


صح لسانك مليون ولاهنت

دمت بكل خير

[مطلق النومسي]

ابو غربي


تأكدت انك شاعر مبدع بدون اي مجاملة واسم احرص دائما على متابعته


صح لسانك ولاهنت


مطلق

[مصلح النشمي]

المشاركة الأصلية كتبت بواسطة مطلق النومسي

ابو غربي


تأكدت انك شاعر مبدع بدون اي مجاملة واسم احرص دائما على متابعته


صح لسانك ولاهنت


مطلق

هلا وغلا اخوي ابوفهد


وهل للابداع ان يمر من هنا لولا عطر مرورك


شهادة اعتز بها وحضور اسعدني وما متابعتك الا فخر لما اكتبه

صح بدنك بارك الله فيك


ولا استغني عن عطر مرورك


لك حبي وتقديري يالغالي


تحياتي لك

[صالح العرجان]

مصلح النشمي


كنت اول من رائها واول من شرع لها صدره ولكن لم استطع ان اصحو من نعاسها الا الان


قصيده تفوح بريح الشاذليه



<<<<<<<<<لا يكفون ترانا نشفق على القصيد الزين

[شمــــــــوخ]

لابأس المقعد الرابع يعتبر من مقاعد الصدارة ...


مصلح .....


ويحــــــــــــك ماذا أرى ؟

إبداع ٌ في كل منحنى في القصيدة

تناول ٌ وطرح

تواشج ٌ من أسفل القاع

إلى قمة السطح

حضور ٌ صاخب

وبيان ٌ لا ينكر جودته إلا ّ كل ُ عربيد ٍ خائب

معك سنجاذب ، وسنواكب ، وسنقرب ونتقارب

سنحاول أن نقطف بيت القصيد من الطين اللازب

فحي ّ هلا ومرحى بهكذا قصيد ....

/
\


وصح لسانك يامبدع

,,

كُــن بخير..

,,