( قصيدة في مدح قبائل الجزيرة العربية للشاعر / صالح بن سالم الجعفري ( حصرياً لويلان)

[سالم صالح]

هذه القصيده للشاعر/صالح سالم الجعفري العنزي -قالها مدحا"في قبائل الجزيرة العربية

ان قلت قولاً قيل من قبلك القول = الطيب قبلك بيعبه واشتروبه
ان قلت مامثلي مع الناس مهبول = الطيب من اول عاشقينه غدوبه
مابين شمروالاعنزتين محمول = وقحطان وعتيبه وغلباء سروبه
سبيع مع مطيروتميم مسئول = وياماً شغاميم العيال العبوبه
وحرباًمع المره وهواجرمع سهول =وبقوم هي ويالدواسر سعوبه
شهران وهذيل وبني قرن مقبول = نعم الحمائل طيبهم ماجهلوبه
وبلي مع جهينه وحويطات وفضول = وبني عطية جالهم وسرحوبه
وبني خالد والحوارث لهم جول = لياذكرنا طيبهم سولفوبه
والمالكي والعازمي صيفة ازمول = والثقفي طيبه ماحرفوبه
وبني رشيد وغامدي واحمري هول = وبني شهر والاسمري شاهروبه
وسليم ياقلنا لهم قدر منقول = وقريش قواد العرب بالصعوبه
والمدح عن الاكلبي ماهومقفول = وحتى الضفيري والكثيري مشوبه
وزهران هوويالشرارات بالقول = وحده شمال وحدةً في جنوبه
وبني عسير وبارقي ماهومجهول = طيب الرجال من كان ماغيروبه
وسكن الحجازواللي جنوباً هل الشول = اللي جهلنا به قليلة عيوبه
والمعذرة كني تناسيت مجهول = اجهل بعرفة ولاعرف وين صوبه
كلاًيقول الطيب ليه على طول = كلاًيبي طيبه لنفسه جلوبه
الطيب به فرقا مع الناس معمول = عود القماري طيب والفحم كوبه
ياناس خلوسعي الاجواد منقول = ليا ذكروا طيب العرب فاخروبه
الضيف عند الناس مكرم ومحفول = والجار وبنت الجارماقد ثوبه
وخويك اللي ياغداء الزاد مقلول = تشوم شومة العطاوي بنوبه
واللي كماسيفاً سنين ومصقول = خله على يمناك وقت العقوبه
ادر الشجاع اللي من الربع منحول = عرف وشجاعة باللزوم اقتدوبه
لوانت جاملته ترى مانت معلول = لاتصير ضده تنقلبلك سلوبه
ترى الرفيق اللي كما السيف مسلول = نفرح بشوفه ياعتزوا وانتخوبه
ياشان منطوق اللغى مانت مغلول = ياجاء بجنبك واقفاً شخصوبه
خله ذخيره واذخره لدائر الحول = تجي مواقف واذخره لمحسوبه
خل الردي لوهوقريبن له نعول = الطيب ينفع والردي قدر ثوبه
ماينطح ليث الرجاجيل بالزول = ولايستوي للكور الا ركوبه
ابن الجداروخل ساسه لك اوصول = ينهارساسه يابنيت بطوبه
يعاد مالك بأول الوقت محصول = اجال دوراليوم هانت دروبه
ماهنا مخلوقاً من الناس معزول = ومن ضيع الحاجة نشد عن ذهوبه
ماحد من العالم لقى الكيف بالتول = والحنضلة ماقيل حالي شروبه

مع تحيات الشاعر/صالح سالم العنزي[/poem]

[صالح العرجان]

سلام يا مشرفين


طلب مني اخوي تركي صالح تنسيق القصيده وتعديلها

اخر شي قدرت عليه اللي تشفونه قدامكم


لذلك نرجوا منكم الفزعه في تنسيق هذه الرائعه


دمتم بحب

[شمــــــــوخ]

حياك الله سالم


قصيدة رائعه من الشاعرصالح العنزي


صح لسانه مليووون ولايسدووون....



ان قلت مامثلي مع النـاس مهبـول

الطيب من اول عاشقينـه غدوبـه

مابيـن شمروالاعنزتيـن محمـول

وقحطان وعتيبه وغلبـاء سروبـه






والنعم بكل القبايل


..


التنسيق رووعه ياصالح

الله يعطيكم العافيه

..

كونوا بخيــــــــــــــر

..

[محمد الدلماني]

تم التعديل

ولي عوده

[سالم صالح]

اخواني الزملاء الاعزاء من مشرفين واعضاء شكرا"لكم علي مروركم العطر وعافاكم الله على
اظهار القصيدة بالشكل الحسن لانها قصيدة تستحق ذلك وانتم من تقيمون ودمتم بخير---

والشكر موصول لكلٍ من(صالح العرجان -شموخ- محمد الدلماني )

اخوكم----(-سالم صالح)-------وجعلكم على القوة دائما

[سلطان الوايلي]

تسلم اخوي سالم صالح على هالقصيه الجميله

وصح لسان الشاعر عمي أبو تركي


ولاهنت يالغالي على ذوق الجميل

دمت يسالم سالماً

[ماجد الغانم]

شكراً اخي العزيز سالم على اختيارك الموفق لهذه القصيده الرائعه جداً لأبو تركي والتي تعتبر
قطفه صغيره جداً من قطفاته الرائعه والراقيه دائماً.
والشكرموصول ايضاً لأبو تركي على هذا الأبداع الرائع والجميل فليس غريباً عليك ابداً مثل هذا الأبداع فأنت دائماً مبدع .
(صح لسانك ابا تركي ولا فض فوك)على هذه المعزوفة الراقيه التي تستحق الثناء فعلاً.
تقبلو تحياتي / ماجد الجعفري