لكن بلاك الله مع الخبث بخبال - °~*¤®§(§ شبـــكة ويــلان العـربـيـه §)§®¤*~ˆ°

**صالح العرجان** · 25/09/05, (09:19 AM)

(( حسين البليهي ))

ـــــــــــــــــــــــــــــــــــــــــــ

الخبل بيّن والخبيّث يبيّن
لكن بلاك ا للي جمع خبث بخبال

يابو ردانه أوووف يابو رديّن
الهبش دقدقني بسكيّن وخْلال

ياشين والله صرت لك حيييييل ليّن
انا اتحلوى وانت عنّي بك جْفال

ولوانّها جْفال وهجر كان هيّن
لكن بلايه بالخطا دوم عيّال

صحيح انا مطوّع وعاقل وديّن
لكن يديني دون حلقي ليانغال

ياخوك عيّن خير ياخوك عيّن
تكفى طلبتك يارجل طلبة رجال

ياشين قلبي مع صديقي حنيّن
مبطي على هالحال مبطي ولازال

ياكيف للزلّة ابد ماتديّن
حاضر بحاضر جاهز ريال بريال

المفترض حتى لخمالي تزيّن
ياالاجودي يامعرّب العم والخال

انا ادري انّي نوب فعلي مطيّن
عسى الولي يغفرلنا ويستر الحال

بس انت عندي يارجل مانت هيّن
لكن بلاك الله مع الخبث بخبال