السلام عليكم ورحمة الله وبركاته
كل عام وانتم بخير وصحه وسلامه
وتقبل الله منا ومنكم صالح الاعمال
ومن العايدين كلن بـ اسمه
متواضعه ان شاء الله تعجبكم
ياهاجسي قالوا لي انه مايصح الا الصحيح=زمان قالوها الرجال وقلت صح لسانها
حتى لو تهب الهبوب البيت واقف مايطيح=تاقف مجاهيم البيوت وساسها عمدانها
اقلط على صاف العسل ولا على السم الذحيح=والنار من شبابها والخيل في ميدانها
حرفٍ على دين اليهود وحرف من دين المسيح=وحرفٍ على دين الرجال اللي قوي ايمانها
زرق الرماح اللي لها بصمه على حصن الوطيح=دربيل ليل ودبك خيل وصايبه نيشانها
السيف سيف المرتعد والمعجم لسان الفصيح=واهل العقول الراجحه الله يعلي شانها
سجت على ساق وقدم مع واسع الكون الفسيح=والصادره مصيرها تارد على حيضانها
بزمامها برق ورعد تضوي على الوجيه الفليح=وبردوفها نار وقبس عشطار مع كهانها
در الكلام وشفرته بين المداوي والجريح=الاوله ستر وغطاء والثانيه شيطانها
هذا وانا مازلت اردد مايصح الا الصحيح=زمان قالوها الرجال وقلت صح لسانها
21/10/13, (07:52 PM)
مايصح الا الصحيح
العرض المتطور
