السلام عليكم ورحمة الله
اقبولها كماهي
برقيتي راحت ولا جاني خبرها يالوزير=حطيتها ياحضرة الدكتور في سلاتها
ميت ضمير اعوذبك يارب من موت الضمير=معودن نفسك لسيتها قبل حسناتها
اول تباشرنا بخير ولا لقينا فيك خير=تحمل ذنوب الناس من حيينها ومواتها
طبع الصغير ولو كبر في منصبه يبقى صغير=ماتكبر العالم مناصبها ولا كشخاتها
انت تحسب الناس مثلك كلها تلبس حرير=مامرتك بقعاء ولا عانيت من صكاتها
اسمع كلامي يالربيعه زين ولساني شطير=عن نقص حاصل صوب مرضانا وعن حاجاتها
الوضع جدأ يالربيعه سي مايقبل خطير=تعال للمرضى وشاهدها وشف حالاتها
وشلون مستشفى حكومي داخله مثل الحصير=ماتفرقه عن شغلت الجزار يذبح شاتها
وليه الضرير عنايته سيه ولا كنه ضرير=وليه الاطباء عنه مشغوله بجوالاتها
بالسيب مرمي حالته حاله ويصرخ له زفير=من الألم يحسب دقايقها قبل ساعاتها
ياكم ضحية جاب فيها العيد ملعون النضر=نتيجة التزوير يوم ان العرب بسباتها
يكسرلك العضم الجبير ويترك العضم الكسير= ويقول غلطه عايديه من ضمن غلطاتها
وليه الدواء مخصوص ومخصص الا الراس الكبير=ان كان مالك واسطه رح ودها رح هاتها
وليه المواعيد الطويله مايجي وقته قصير=تموت مرضى مالحقها الدور بعياداتها
والكارثه يوم السرير يحط في جنب السرير=رجل ومراه في قسم واحد ياكبر نكباتها
ون جيت تشكي للمدير اليوم ماداوم مدير= بكره تجي وعلومك اللي قلت هات ثباتها
عندك خبر لاتقول ماعندي يصير الا يصير=لا والله الا ضاعت الصحة وذي سواتها
وحنا بدوله عزالله خيرها خيرأ كثير= لخدمة المرضى تفوق الوصف ملياراتها
الدوله اللي راحت الشعب السعودي فيه غير= الله ينصر دولة ال سعود في قاداتها
وسلامتكم
سعود راجي الجعفري العنزي
09/05/13, (02:36 PM)
رساله لوزير الصحة
العرض المتطور
