سجن الشقاوه - °~*¤®§(§ شبـــكة ويــلان العـربـيـه §)§®¤*~ˆ°

**ابراهيم السلمي** · 13/09/12, (05:01 PM)

السلام عليكم ورحمة الله وبركاته

طابت اوقاتكم بكل خير

متواضعه جديده اتي اليكم بها اتمنى ان تنال رضاكم

اشتقت للي نظرته تشفي الروح
اللي حداني عنه قسوة زماني

اللي ليا جيته وانا كلي جروح
يلمني بين الضلوع المحاني

سافرت عنه ودمعته تشبه البوح
من دمعة عيونه تبعثر كياني

نادى يابو خليل من جد بتروح
وشلون تتركني في بعدك اعاني

صديت غصب وداخلي قلب مجروح
قلت العفو هذا النصيب وقواني

اقدار والاقدار تكتب على اللوح
والحظ في سجن الشقاوه رماني

قال انت شهم وفيك نخوه وطحطوح
تكفى تجمل ياعزيز المكاني

جاوبت خلي وازرق الدمع مسفوح
باهات يسمعها بعيدن وداني

راع الهوى بين المخاليق مفضوح
وانا على الفرقا زماني حداني

ماعاد في لقياك خيره ومصلوح
مادام ربي جابلك شخص ثاني

هذا النصيب وحكمة الله باللوح
اباك وانته ياحبيبي تباني

لكن قدرنا فرق القلب والروح
شكواي لله ياظروف الزماني

وسلامة الجميع

اخوكم

ابراهيم السلمي

**هندي المقبل** · 14/09/12, (07:28 AM)

اهلا بعذوبة الشعر وصدق المشاعر من شاعر يستطيع ان يوهمنا بحقيقة مايكتبه

الشاعر ابراهيم السلمي

صح لسانك على هذه الابيات

اسجل اعجابي

**ابراهيم السلمي** · 14/09/12, (02:39 PM)

هلا فيك اخوي هندي

صح بدنك يالغالي والله لا يهينك

دمت بخير من الرحمن

محبك

ابراهيم السلمي

**سالم السلمي العنزي** · 15/09/12, (03:21 PM)

صح لسانك
شكراً لك

**خلف الغريب** · 15/09/12, (04:05 PM)

صح لسانك اخوي ابراهيم ولله درك على هذه المشاعر الجياشة والتي تنبض بالصدق

تحياتي لك

**حمد الضوّي** · 15/09/12, (07:46 PM)

ابراهيم السلمي

الف صح لسانك وإعتلى شانك
قصيده بغاية الروعه والجمال بارك الله فيك

انقى تحيه

**ابراهيم السلمي** · 18/09/12, (08:28 PM)

سالم العنزي

خلف الغريب

حمد الضوي

اشكرلكم مروركم الراائع

وصحت ابدانكم جميعا

دمتم بكل الحب

محبكم

ابراهيم السلمي