ليت العطش يبرد لهيبه من الميّ

[منيف الخلف]

الاعزاء في ويلان

قصايدي بدون مشرط جراح ( كيبورية من جد )..

ليت العطش يبرد لهيبه من المي=والله لاوردها على جم هداج
انا ظماي من الغلا شي وشوي=انام واصحي والظما بالحشا لاج
طالبك تسقيني وانا عادني حي=طول الظما يثر لراعيه الاحراج
الحب شمس ووصل الاحباب به في=وانا بشمس القيظ واقف بوهاج
ان كان ترضيك الغبينة لي فـ( عي )=وان كنت ما ترضى ترا بيدك الافراج
ابوك في طيبه مثل حاتم الطي=وشلون تخذل صاحب صار محتاج
اعطف على قلب شواه الهوى شي=وبرد خفوق طاح من فوق الابراج
كم له يقول ان البشر كلهم زي=وعن الهوى ركب على قلبه سياج
لكن عيونك جابت الغايبة في=شفني جريح الحب ما حولي علاج
ان كان ما اسقيته وصالك لو شوي=اقبل تعازي الناس في جار هداج

وسلامتكم

[سعود المسعودي]

صح لسانك وبيض الله وجهك على الحضور الجزل

[خلف الغريب]

صح لسانك منيف

اتحفتنا لهذه المشاعر الجميله

تحياتي لك

[هندي المقبل]

حينما تكون من الشاعر منيف الخلف فلايهم ان كانت كيبورديه او معده مسبقا

المهم انها من شاعر لا ياتي الا بالممتع ..

صح لسانك ودمت بخير

[عبدالرحمن الجابري الحربي]

منيف الخلف


صح لسانك ولا هنت


تحياتي

[حمد الضوّي]

شاعر / منيف الخلف


صح لسانك وإبداع من إبداعاتك لاخلا ولاعدم





انقى تحيه

[سالم العنزي]

قمة الابداع والجمال والعذوبه

الشاعر منيف الخلف

صح لسانك وارجوا تقبل مروري المتواضع