خلف الغريب ومحمد الصندلي .... مساجله - °~*¤®§(§ شبـــكة ويــلان العـربـيـه §)§®¤*~ˆ°

**محمد الصندلي** · 05/09/12, (03:57 AM)

أرسل على أخي وصديقى
الشاعر العملاق والراوي المبدع
خلف الغريّب

هذه القصيده التى اعرضها لكم ولي الشرف في الرد عليها
ومجاراة رجل بحجم خلف
اتمنى ان تنال هذه المساجله رضاء الجميع

عشنا بها والروس متعليه فوق=ونموت وأرض الذل مانفترشها
وحلوقنا لو حولها للزمن طوق=نصارع ضروف الزمن ونغرشها
ولانقبل الخنعه ولانعرف البوق=واما كلينا هبرها مانعرشها
والآدمي لاصار مستور مرزوق=باقي السوالف حظ من هو قرشها
ياصاحبي والله ولو مسني عوق=أسوقها يم العلى واخرشها
آخذت من دنياي مسات وطقوق=وشفت العروش أتطيح باللي عرشها

العملاق : خلف الغريب

ردي المتواضع على رااائعة
أبوخالد ولي الشرف في ذلك

قصيدتك ياصاحبي كلها ذوق=ومنطوقك الراقي زما وانتعشها
لله درك صاحبي خوش طاروق=طاروق يرقا للهجوس يحرشها
أليا ذكرتك هزني للوفاء شوق=وندوّر الجزله عسا نحتوشها
مثلك يابوخالد له الطيب مطبوق=طيبن يشيّم عن سوارح دبشها
ناسن باوصفها على أجرب النوق=لامزاينن فيها ولا معتوشها
يالوايلي والجود مابيع بالسوق=خلك كذا الين يسدح نعشها
يكفي يابوخالد بقت روسنا فوق=روسن ولاتهتم من هو دوشها

محمد الصندلي

**حمد الضوّي** · 05/09/12, (10:27 PM)

الشاعر القدير

محمد الصندلي

صح لسان هداج الشعر / خلف الغريّب
وصح لسانك أخي محمد صوت وصدى ولا أروع
لشعراء كبار سلمت أفكاركم الراقيه والف نعم بكم جميعا ً

أجمل التحايا

**نافع عيد الجديد** · 05/09/12, (11:04 PM)

عملاقين بالشعر ولاغربه بالابداع
صحت السنتكم جميعا لله دركم
اسجل اعجابي الشديد
رعاكم الله برعايته

**هندي المقبل** · 07/09/12, (03:14 AM)

الشاعر القدير محمد الصندلي

شكرا على ادراج هذه المساجله الرائعه

ابيات حوت الحكم والشموخ ولا غريب فكلا شاعرين عملاقين

صح لسانك ولسان الشاعر محمد الصندلي

اسجل اعجابي هنا

**محمد الصندلي** · 07/09/12, (03:56 AM)

حمد الضوي
تسلم أخي الغالي
على مرورك الذرب ولاعدمناك

**محمد الصندلي** · 07/09/12, (03:58 AM)

نافع
الجديد وصل أعجابك واعتبره وسام
لاعدمناك والف شكر
على مرورك الراااقي

**محمد الصندلي** · 07/09/12, (03:59 AM)

هندي المقبل
مرورك واعجابك وسام نتقلده
ونعتز فيه سلمت ولاهنت