خالد الفيصل

[عبدالعزيز العدواني]

المعالي في سماها جايعه ما اشبعها=غير من تزهى المعالي وقفته وعلومه
والعلوم الطيبه تاتيك من منبعها=والزمان ابخص بعرف ذيابته ورخومه
والمدايح تتبع الرجال ما يتبعها=والفضا واسع ولا ضيق عليه نجومه
ما تهاب من السباع الا الذي يسبعها=ولا يحب الواقع الا من جفته حلومه
الثياب اللي تعدى للكعب نجبعها=والدروع مجهزه للي يهز سهومه
والمواقف ما نخليها كذا نطبعها=ما تروح وكل شخص يشوف من مفهومه
حقكم بارقابنا يا قبعت نقبعها=لين يبقى المعتدي متلولسن بهدومه
وحقنا ياخالد الفيصل عليك اربعها=(مد) (صد) و(قرب جد) و(ساعدن بكمومه)
الحوادث بالصميم وعودت مربعها=والبعير ان ضاع ضاع ولو عليه وسومه
الحمول ثقال وظهور العرب تزبعها=دام سابع جار يلحقنا التعب بهمومه
ذيك معها ذيك لا من العدو قربعها=قبل لا ياكل يفكر في وجع بلعومه
الرساله جايعه والجايعه ما اشبعها=غير نظرة من زهت يمناه طيب علومه

[خلف الغريب]

هنا جزالة نفتقدها منذ زمن
لله درك وصح لسانك واسناد الى شاعر رمز هو خالد الفيصل

صح لسانك ملايين ولا يكفون وعز الله كتبت وابدعت

[هندي المقبل]

الله الله دائما تمتع وتبدع ياعبدالعزيز العدواني

صح لسانك مدد بلا عددد

اكرر اعجابي بهذه الرائعه وشكري لك وكل عام وانت بخير

[حمد الضوّي]

عبدالعزيز العدواني

صح لسانك على هذه الرائعه وإبداع بلا حدود
لاهنت ولاهان منطوقك






انقى تحيه

[صالح الأسود الجعفري]

عبد العزيزالعدواني

صح السانك نص جميل جداً
دمت بخير

[غموض الشمال]

الله عليك شاعرنا القدير
الف صح لسانك
مبدع وجزل كما عودتنا

تقديري لك

[سالم العنزي]

ابدعت وامتعت ياعبدالعزيز

شكرا على هذه الرائعه الشعريه وصح لسانك الي ان ترضى