برقيّــةٍ عاجلة منّي أنا بن حميد=دام الوفا والمحبّة بيننا راس مال

[عبدالرحمن الجابري الحربي]

السلام عليكم ورحمة الله وبركاته
أسعد الله جميع أوقاتكم بالخير

إهدااء خااص للغالي أبو عبدالله
النقيب / حجاب بن عبدالله الجابري
بمناسبة مولودتيه جعلهما الله من مواليد السعادة

إليا طرت لي طواري زان بدع القصيد=ياهاجسي لا تقصّر دام جالك مجال
عبّر عن شعوري ابّيتين ولاّ تزيد=بس المهم المعاني سوقها باعتدال
ثم حطّها بالظروف وروح ساع البريد=قلّه يوصّل مراسيلي لنعم الرجال
برقيّــتـ (ن) عاجلة منّي أنا بن حميد=مضمونها مباركة دام الوفا راس مال
سلام يا صقر وافي في زمانـ (ن) عنيد=نادر فصيلة وعايش فوق روس الجبال
حجاب ياللي من أطباعك قصور (ن) تشيد=راع الوصوف الجميلة والعلوم الجزال
امن المعزة لبست اليوم عقد (ن) فريد=ومن المراجل كسبت اليوم زين الخصال
إن قلت طيّب ووافي شيء ماهو جديد=نسل الحرار الوفيّة من قديم الليال
راع الكرم ما تناظر وش بقى من رصيد=وإليا انتخى بك وفيّن يبشر بطيب فال
وأشد شيء (ن) عجبني فيك نعم العضيد=اللي ضرب في معاني الأخوّة مثال
شيّدت مستقبل إخوانك ومو مستفيد=الله يجازيك خير (ن) ياكريم السبال
واليوم جاني خبر خلّى خفوقي سعيد=هيّض حواسيس شاعر ساقها بارتجال
اولادة المهرتين اليوم ذا يوم عيد=من شهر ستة ثمان يصير يوم احتفال
مبروك ياغاليـ (ن) ما جاك والله يزيد=أفراحكم والسعد فيما بقى من ليال
الله يبارك لك ويا جعل عمرك مديد=اتشوفهن في سعادة وأنت في وسع بال
حقّ علينا نهنّيكم وهذا الأكيد=دام الوفا والمحبّة بيننا راس مال
وآخر كلامي صلاة الله لخير العبيد=اعداد نبْت الشجر وعداد حبّ الرمال

وسلامتكم ،،،

تحياتي / شاعر عظيم المشاعر 8/6/1433 هـ

[حمد الضوّي]

الشاعر القدير

عبدالرحمن الجابري

صح لسانك والف نعم بالمادح والممدوح
واسأل الله جلت قدرته أن يصلح ماعطاء ابن عمك
وأن يتربن بعزه ويكونن من عباد الله الصالحين
والف مبروك





انقى تحيه

[عبدالرحمن الجابري الحربي]

المشاركة الأصلية كتبت بواسطة حمد الضوّي

الشاعر القدير

عبدالرحمن الجابري

صح لسانك والف نعم بالمادح والممدوح
واسأل الله جلت قدرته أن يصلح ماعطاء ابن عمك
وأن يتربن بعزه ويكونن من عباد الله الصالحين
والف مبروك





انقى تحيه

العزيز / حمد الضوي ..

صح بدنك وما عليك زوود ياغالي ..

الله يبارك بأيامك ... ويصلح لنا ولكم ..

ألف شكر على مرورك ..

[خلف الغريب]

صح لسانك ومشاعر عظيمة وجميلة ..

الف مبروك للاخ حجاب المولودتين وانت بيض الله وجهك ..

تحياتي لك

[عبدالرحمن الجابري الحربي]

المشاركة الأصلية كتبت بواسطة خلف الغريب

صح لسانك ومشاعر عظيمة وجميلة ..

الف مبروك للاخ حجاب المولودتين وانت بيض الله وجهك ..

تحياتي لك

أستاذي القدير / خلف الغريب

صح بدنك ووجهك أبيض ياغالي


والله يبارك فيك بالنيابة


شاكر لك مرورك العطر

[صالح الأسود الجعفري]

عبد الرحمن الجابري

صح السانك نص مميزومشاعرجميله
الله يصلح لنا ولكم
دمت بخير

[عبدالرحمن الجابري الحربي]

المشاركة الأصلية كتبت بواسطة صالح الأسود الجعفري

عبد الرحمن الجابري

صح السانك نص مميزومشاعرجميله
الله يصلح لنا ولكم
دمت بخير

الغالي / صالح الجعفري

صح بدنك ولا هنت على المرور

لك شكري وتقديري