على فطرتك طيب وصادق - °~*¤®§(§ شبـــكة ويــلان العـربـيـه §)§®¤*~ˆ°

**معيض بن عريفج** · 06/02/12, (02:31 PM)

هلا ياصباح الخير والفل والريحان = وهلا ياصباح الطش والرش والغيمه
وهلابالسحاب اللي تشابك مع الربان = على قول ابن جدلان تضحك مقاديمه
بعـد جفاف الارض تباشر البدوان = رعوده تجاوب صوتها وانهمر ديمه
وهلا ياسكون الليل مع جلسة الخلان = ارخا سدوله هادي(ن)دون تعتيمه
وهلا ياتمام البدرمع سمرة الرعيان = وهلا يالحن وتراً حزينه تقاسيمه
وهلا يانسيم الفجر يازهرة البستان = وهلا بالحياء اللي في جبينك مراسيمه
وهـلا بالبـراءه لاتـبـسمـت يالفتان = لهاعند من يفهم تعابيرها قيمه
تسولف عيونك همس ويلامس الوجدان = رسالات تبقاء بقلب معشوقها مقيمه
بحياتي رسمتك لوحة الملهم الفنان = وهو مرهف بحسّه ومبدع بتصميمه
وكتبت بك ديوان شعر وقصص والحان = وانامستمدن من غرامك تعاليمه
كتبه الغلا ماقاله محمد الشرهان = احساسي تقوم بنظم طرقه وتقديمه
سكنت الخفوق وسكرت دونك البيبان = وغيرك تجي ذكراه ركعه وتسليمه
وهلا بمهرة(ن)تتعب على شانها الفرسان = كفو الشجاع اللي مايترك ملازيمه
تواضع من اجله لوهي بلا رسن وعنان = وهو يحترمها وهي شريدة مغانيمه
والله مالومه فيك ياشمعة النسوان = لوانه عطاك دبي والعين والخيمه
وهلا ياشموخ العزياحلا صفاة انسان = ياطهر من الينبوع واطيب من الشيمه
على فطرتك طيب وصادق وحلو لسان = عفيف(ن)لطيف(ن) ماتغير مفاهيمه
مايختلف على جمال طاغي عليك اثنان = اجزل لك الخالق بفضله وتكريمه
من عيونك سهوم المنايا على البرهان = وقتلك لغيرك ماحد افتا بتحريمه
بسم الله وماشاء الله على خلقة الرحمن = تبارك الخلاق احسن تقاويمه
اعيذك بالله عن نظرة الشيطان = ومن نفخه ونفثه وجملة مزاعيمه
واعيذك بالله من شر انس اوجان = عسى نظرته لك ماتعدا بلاعيمه
احبك اشد من حب وضحى وابن عجلان = واشد من حب الولد وافي لشيمه
احبك وانا تايه بحبك بلاعنوان = وانا مسامح الضالم وانا من مضاليمه
والنفس طيراً في سماء جوك بجنحان = ان طار يجع لك بطوعه وتصميمه
عسى الله يعوض قلبي الصبر والسلوان = وكل الحياة بغيبتك مالها قيمه

**هندي المقبل** · 06/02/12, (07:38 PM)

الشاعر معيض بن عريفج

صح لسانك على هذه القصيده الجميله التي حصلت على شرف اول مقعد للمعجبين بها

اسجل اعجابي بها واتقدم لك بالشكر الجزيل

**معيض بن عريفج** · 21/02/12, (02:40 PM)

اقتباس:
المشاركة الأصلية كتبت بواسطة هندي المقبل
الشاعر معيض بن عريفج

صح لسانك على هذه القصيده الجميله التي حصلت على شرف اول مقعد للمعجبين بها

اسجل اعجابي بها واتقدم لك بالشكر الجزيل

ي الله حي الاخ هندي المقبل

وصح بدنك وشكرا على حضورك الجميل ولك تحياتي وتقديري

**صالح الأسود الجعفري** · 07/02/12, (03:46 AM)

معيض بن عريفج

صح السانك نص شاااامخ
دمت بخير

**سالم صالح** · 07/02/12, (09:58 AM)

الراقي والمبدع دوما// معيض بن عريفج ,,,,

صح السانك وكلك ابداااااااع وروعة واتقان شعري باحساس مرهف لا يتقنه الا المميزين امثال ابن عريفج

لله درك وسجل اعجابي وتقديري لك

**محمد البويليد العنزي** · 07/02/12, (10:14 AM)

( معيض عريفج )
صح لسانك مليون ولايسدون
قصيده جزله من شاعر جزل
اقف احتراماً لشاعريتك و لا استغرب هذه الجزالة .. و سيبقى حرفك لامعاً و سنرتشف الإبداع بين ثناا أحرفك
مررت لإسجل إعجابي بهذه الشامخه

**سلامة الجعفري** · 08/02/12, (12:07 AM)

الشاعر القدير معيض بن عريفج

ابدعت صح لسانك ملايييييييييييييييين