اخلصت لك بالحب - °~*¤®§(§ شبـــكة ويــلان العـربـيـه §)§®¤*~ˆ°

**صالح الأسود الجعفري** · 04/01/12, (01:44 AM)

اخلصت لك بالحب وخليتك امنـاي
وحبن على شانك مقـره ضلوعـي

خليتك اغلى انسان في عمر دنيـاي
ووفيت لك ياللي تبيـن الركوعـي

واليوم طعتي كـل ماقالـو اعـداي
حتى عرفتي ماخفى فـي سبوعـي

بسنين غبراء رافعن كـف يمنـاي
وماهمني شربـي وزادي وجوعـي

وهالحين جيتي نادمه قصدك ارضاي
ماني على خبرك بكذبـك قنوعـي

انا قنوع النفس والصبـر مركـاي
وعزاي اقول ان الامل هو شموعي

يابنـت والله لوتعرفيـن هـقـواي
ماتطلبين المعجـزه فـي رجوعـي

جرحك وسكينك وغـدرك وبلـواي
متخاوياتن مع بعضهـن جموعـي

اموت واحيـا ماتوسـل برجـواي
روحي ولك ربعك وانا لي اربوعـي

شيلي تفاكيرك وعيشـي بفرقـاي
قلبي على كيفي بشوري وطوعـي

يابنت انا اللي بالشدايد لـي الـراي
ياقلـت الحيلـه تبيـن طلـوعـي

مادام راسي عايش اتشيله اعضاي
ماهمني قسـوت زمانـن يروعـي

امشي على ماتطلبه جرت اخطـاي
دام الفضا واسـع الاقـي افروعـي

وقبل انتهـي ودي اذكـرك ذكـراي
بدري على مثلـك يغيـر طبوعـي

وبدري عليك اتغيري رسم مبـداي
وتبطين والله ماتحقـق خضوعـي

اذا ماني غلطان فهي
لشاعر/عايد العنزي

**سعود المسعودي** · 04/01/12, (11:07 AM)

صح لسانك وصح لسان شاعرها

تقبل تحياتي وتقديري

**صالح الأسود الجعفري** · 04/01/12, (11:09 PM)

اقتباس:
المشاركة الأصلية كتبت بواسطة سعود المسعودي
صح لسانك وصح لسان شاعرها

تقبل تحياتي وتقديري

سعود المسعودي

صح بدنك شكراً ع مرورك العطر
دمت بخير

**الرااايق** · 04/01/12, (03:28 PM)

شكرا على روعة الانتقاء ادام الله حضورك المميز

مودتي لك استاذي الكريم

**صالح الأسود الجعفري** · 04/01/12, (11:12 PM)

اقتباس:
المشاركة الأصلية كتبت بواسطة الرااايق
شكرا على روعة الانتقاء ادام الله حضورك المميز

مودتي لك استاذي الكريم

الرااايق

العفواخوي شكراً ع مرورك العطر
دمت بخير

**بنت الكحيلا** · 05/01/12, (01:00 AM)

صح لسانك ولسان شاعرها

وتسلم اخوي صالح لاسود

الله يعطيك العافية على النقل الجميل

لك كل الشكر

**عين المها** · 05/01/12, (03:07 AM)

صح لسانك ولسان شاعرها أبيات جميلة مشكوووووور والله يعطيك الف عافيه