((مارضى على نفسي حياة المهونه )) - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 20/08/11, (08:53 PM)

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

ياقلب لا تحزن وجرحك مواريه =بانت وحظك كلهم يندبونه
تاهت دروبك والمعنى هقاويه =خابت وخابت في حبيبه ظنونه
حبيبي اللي طول عمري وانا افديه =الروح ترخص لاجل ضحكة سنونه
كنت اعشقه واهوى غرامه واداريه =تسهر عيوني لا اجل راحة عيونه
من زود حبي صرت بالليل اناجيه =طيفه ليا جا الليل يشعل سكونه
فوق المحبه والهوى كنت اسمييه =روحي وقلبي والمشاعر حنونه
واليوم تاهت عن دروبي خطاويه =باع الهوى وارخص غلاي وجنونه
مشى دروب الغدر واعظم بلاويه =طبع الخيانه صار روعة فنونه
حسبي على حبه ليا حان طاريه =جرح الخيانه منه تنزف طعونه
الخاين اللي باع حبي وماضيه =باعيش كل العمر ياناس دوونه
وانسى هواه وكل حباً بدا فيه =مارضى على نفسي حياة المهونه
ماجور ياقلبي وجرحك تداويه =ايامك اللي ذكرتني طعونه

**محمد دعسان** · 20/08/11, (09:30 PM)

حبيبي اللي طول عمـري وانـا افديـه -----الروح ترخص لاجل ضحكـة سنونـه
كنت اعشقه واهوى غرامه واداريه -----تسهر عيونـي لا اجـل راحـة عيونـه
مـن زود حبـي صـرت بالليـل اناجيـه ----طيفـه ليـا جـا اللـيـل يشـعـل سكـونـه
قمه الابداع صنعتها ياالمطنوخ
------/مشهور الرشدان
صح السانك ملا ييييييييين
تقبل مروري
الله يحفظك

**صالح الأسود الجعفري** · 20/08/11, (11:16 PM)

مشهور الرشدان
صح السانك يالبناخي
دمت بخير

**حمد الضوّي** · 21/08/11, (12:59 AM)

شاعرنا المميز
مطنوخ الويلان
مشهور الرشدان

صح لسانك حتى ترضى وسلم فكرك الراقي
أبدعت فأمتعت لاهنت على هذا النص الجميل . سبك وحبك شاعر متفرد
بحجم مطنوخ الويلان لله درك يامشهور وشهادتي فيك مجروحه وأنت فوق
الإشاده والأطراء بارك الله فيك وسدد على طريق الخير خطاك ولافض فوك يامطنوخ

أجمل تحيه لشخصك الكريم

**فــرج الدهمشي** · 21/08/11, (02:13 AM)

الخاين اللي باع حبـي وماضيـه
باعيش كل العمر يانـاس دوونـه

صحيت كلك

حضور اول للاحتفاء

**حمد الخمعلي** · 21/08/11, (02:52 AM)

مطنوخ الويلان

لا استغرب عليك الابداع يالغالي

صح لساانك وسلم قلبك

كُم بخير

**سراب نجد** · 21/08/11, (03:24 AM)

[6 مشهور الرشدان]
-----------

صح السانك

على هالقصيده الجزله والكلمات الرائعه

بارك الله فيك والغادر والخائن ما ينحب

واللي يحبه غلطان ولا كن الحرينخدع بالشبكه

وأنت حر أبن حر....... تقبل مروري