"وين الحياء والعيب " - °~*¤®§(§ شبـــكة ويــلان العـربـيـه §)§®¤*~ˆ°

**بنت الكحيلا** · 17/06/11, (01:39 AM)

كثر في هذا الزمان الاعجاب بين البنات والذي يتحول بالنهاية الى عشق روحي
وقد شاهدت بنفسي هذا الوضع الغريب وكتبت هذه الابيات المتواضعه
والاسماء الموجوده بالقصيدة اجبرني على اختيارها الوزن
اتمنى ان تحوز على اعجابكم

وش هالزمان اللي كثر فيه الاعجاب =يا قوة الله لا حيا ولا حشيمه

اعجاب يتحول الى حب وعتاب = علاقة ن بين الصبايا..... حميمه

وين الحيا والعيب يا بنت الانساب = البنت تعشق بنت والله جريمه

صارت عليكن تلتفت كل الارقاب =منظر سخيف وله عواقب وخيمه

وبعدين وش هي اخرت( عشق كذاب)= معقوله منيرة تزوج بريمه

وشلون اهل ريمه يروحون خطاب = لهل منيرة يطلبون.... الكريمه

وبعد المحبه يجتمع شمل الاحباب =زواج بنت وبنت حاجه عظيمه

هذا الزواج الناجح اللي له اسباب =ولا زواج الشرع موضه قديمه

التربية يا للأسف نجمها غاب=ما عاد ابد لاا ثارها........ اي قيمه

افلام تركيه وتقليد الاجناب =والنت يلعب بالعقول..... الغشيمه

الجرح عفن وبحثوا له عن اطباب =وش دوركم يا اهل القلوب السليمه

**محمد بن موسى** · 17/06/11, (02:00 AM)

الشاعره القديرة / بنت الكحيلا

صح الساانك ملايين

نص شامخ بشموخ بنت الكحيلا

ومهما تكلمت عن جمال وروعة ومضمون هذا النص اشعر بالتقصير

قضيه للأسف انها موجودة بمجتمعنا المحافظ ومنتشرة

فقد نسفت كل المبادئ والقيم

فكيف ببنت ان تعجب بقرينتها

ولكن ضعف الوازع الديني وعدم الرقابه والتربيه الصحيحه وراء هذة الظاهره المقيته

نسأل الله لنا الحمايه

تقبلي مروري واحترامي

كووني بخير

**بنت الكحيلا** · 17/06/11, (04:26 AM)

اقتباس:
المشاركة الأصلية كتبت بواسطة محمد بن موسى

الشاعره القديرة / بنت الكحيلا

صح الساانك ملايين

نص شامخ بشموخ بنت الكحيلا

ومهما تكلمت عن جمال وروعة ومضمون هذا النص اشعر بالتقصير

قضيه للأسف انها موجودة بمجتمعنا المحافظ ومنتشرة

فقد نسفت كل المبادئ والقيم

فكيف ببنت ان تعجب بقرينتها

ولكن ضعف الوازع الديني وعدم الرقابه والتربيه الصحيحه وراء هذة الظاهره المقيته

نسأل الله لنا الحمايه

تقبلي مروري واحترامي

كووني بخير

صح بدنك اخوي محمد بن موسى

والله يعطيك العافية على الكلام الطيب

واشكرك على الإضافة الجميله

بارك الله فيك

لك كل التقدير

**عبدالرحمن الجابري الحربي** · 17/06/11, (02:14 AM)

وبعـد المحبـه يجتمـع شمـل الاحـبـاب ...... زواج بـنـت وبـنـت حـاجــه عظـيـمـه
هـذا الـزواج الناجـح اللـي لـه اسبـاب ......... ولا زواج الـشــرع مـوضــه قـديـمــه

مشكلة أصبحت دارجة في الوقت الحااالي بشكل ملحوووظ .... الله يكفينا شرها

نص جدا رائع صح لسااانك .....

**بنت الكحيلا** · 17/06/11, (04:33 AM)

اقتباس:
المشاركة الأصلية كتبت بواسطة عبدالرحمن الجابري الحربي
وبعـد المحبـه يجتمـع شمـل الاحـبـاب ...... زواج بـنـت وبـنـت حـاجــه عظـيـمـه
هـذا الـزواج الناجـح اللـي لـه اسبـاب ......... ولا زواج الـشــرع مـوضــه قـديـمــه

مشكلة أصبحت دارجة في الوقت الحااالي بشكل ملحوووظ .... الله يكفينا شرها

نص جدا رائع صح لسااانك .....

اللهم آمين

صح بدنك اخوي عبدالرحمن الجابري

والروعه في مرورك الكريم

لك كل الشكر

**سراب نجد** · 09/08/11, (05:45 PM)

بنت الكحيلا

صح والله السانك

يابنت الرجال

تسلمين على هذا الطرح الرائع

بيض الله وجهك

تسلم يمينك جعل ماهي للعطاب

والعقل يسلم يالهنوف الفهيمه

أنشهد أن أبليس بالخلق لعاب

ويامن خبر شخصاً يطاوع خصيمه

ما يطاوعه ياغير مفسد وحباب

وأهل الخزى وأهل النفوس الئيمه

تقبلوا مروري تحياتي لكم

**بنت الكحيلا** · 11/08/11, (09:54 AM)

اقتباس:
المشاركة الأصلية كتبت بواسطة سراب نجد
بنت الكحيلا

صح والله السانك

يابنت الرجال

تسلمين على هذا الطرح الرائع

بيض الله وجهك

تسلم يمينك جعل ماهي للعطاب

والعقل يسلم يالهنوف الفهيمه

أنشهد أن أبليس بالخلق لعاب

ويامن خبر شخصاً يطاوع خصيمه

ما يطاوعه ياغير مفسد وحباب

وأهل الخزى وأهل النفوس الئيمه

تقبلوا مروري تحياتي لكم

حياك الله اخوي سراب نجد

وصح بدنك الله يعطيك العافية

وتسلم على الكلام الطيب

وصح لسانك على الابيات الجزله

بارك الله فيك

شاكرة لك مرورك الكريم