تناهيد قنديل

[حاسب الرويلي]

السلام عليكم ورحمة الله وبركاته

لقلوبكم هذه المتواضعه

البارحه جمر السهر والتباريح=شبيّته بعود الصبر والصبابه
والحزن في صدري يبي يقوم ويطيح=من يوم ما قفّل على الهم بابه
عجزت لا القى له بوقتي مفاتيح=وانا العنا ما بين ضرسه ونابه
حدّت ظروف الوقت ممشى الطحاطيح=حدّت سنين الجوع عدي الذيابه
حتى عوت في عاليات الصلافيح=يسمع عواها منه/فيه المهابه
وان هرولت تطوي القفار الصحاصيح=تلقى عشاها أو رمتها حرابه
وانا ولو ماني بعيد المشاويح=ما كان زادتني الليالي صلابه
ركاب فكري ورّدت صافي السيح=لين ارتوت ولا تكدّر شرابه
وغنيّت من ضلعٍ قصيرٍ بي يصيح=وحز المّولع حز قوس الربابه
ذنب الخطا ما يغفره كل تصحيح=والاسئله تاهت فـ بحر الاجابه
يا من يجيب العلم عن مهرة الريح=بنت الحصان الي عزيزٍ جنابه
اقفت تقفّاي السحاب المراويح=وانا المحل يسبل علّيه ثيابه
علّقت فـ عيون الليالي مصابيح=وشرّعت بيبان السهر للكتابه
ارسم على صدر الورق وجد وآزيح=ستاير الذكرى لوقتٍ هنا به
واطلقت من سود المحاجر مسافيح=اصدق مشاعر فالرجل من عذابه
والصدق ما يبري جروح المجاريح=لكن صدوق الحب جرحه سما به
الغيم لو كثروا عليه المشافيح=ما نقصّوا أو زودوّا به سحابه
كل الموادع تقتفي به بـ تلويح=الا أنا ودّع حبيب و قفا به

[بروق الشمال]

لي الشرف في ان اكون اول من تصافح هالدرر منك اخوي حاسب

احببت لو ان اعاود قرائتها لمرات عديده
في كل مره اكتشف جماليات اكثر
نص شامخ شموخ شاعره
تقبل تقدير لكتابتك وذاتك

[حاسب الرويلي]

لا هنتي يا بروق الشمال

تعطر المكان بأريج كلماتك

[جايز المفوز]

الـبــارحــه جــمـــر الــســهــر والـتـبــاريــح \شـبـيّــتــه بـــعـــود الــصــبــر والـصــبــابــه والحزن في صـدري يبـي يقـوم ويطيـح \مــن يـــوم مـــا قـفّــل عـلــى الـهــم بـابــه عـجـزت لا الـقــى لـــه بـوقـتـي مفـاتـيـح \وانـــا الـعـنـا مـــا بـيــن ضــرســه ونــابــه حدّت ظروف الوقت ممشى الطحاطيح\حـــدّت سـنـيـن الـجــوع عـــدي الـذيـابــه حاسب الرويلي هذا الشعر والا بلاش صح السانك نص مميز يحفه الابداع من جميع جوانبه ومهما قلت بهاذاالنص فشهادتي فيه مجروحه صح لسانك وعتلا شانك على هذه المعلقه الشامخه اتمناء لاتحرمنا من وجودك في شبكة ويلان الشامخه تقبل مروري وفائق احترامي

محبكم جايزمليحان المفوز ابواريج

[عبدالله المعيوف الدهمشي]

حدّت ظروف الوقت ممشى الطحاطيح

...... حدّت سنين الجـوع عـدي الذيابـه

أليم هذا البيت

والقصيدة كلها جزلة

صح لسانك ملايين اخوي حاسب

تقبل مروري

[محمد بن موسى]

حاسب الرويلي


حضور رائع ومميز

صح الساانك واعتلاشاانك

قصيدة رائعه ومعبرة

استمتعت بقرائتي لها


تقبل مروري واحترامي

كن بخير

[سعد النفج]

حاسب الرويلي ..
شاعر مميز و هذا النص فاخر و من أجمل النصوص ..
متسلسل و مفردات راقيه ..
صح لسانك مدد بلا عدد شاعرنا المميز ..