قررت انا اصير شاعر وادخل الملعبه

[البدر]

بما ان كل واحد يبي يصير شاعر يصف له كلمتين ويصير شاعر

يعني الوضع بسيط

انا اليوم نويت اصير شاعر محاوره مع اني ما ادري من وين هي هابه

لكن ياخوي ماني اقل من غيري ابي اتعلم وش المشكله وكلها ان شاء الله شهر وتلقوني من اكبر شعراء المحاوره



قررت انا اصير شاعر وادخل الملعبه = لوماعرفت النقض والفتل والحانها
واكبر شنب ياتقدم ليه ابغلبه = وياويل من هو يقول اخلفت ميزانها

بأنتظار اللي مستعد انه يعلمني


خلووووووها

[حمد الضوّي]

البدر

هلا وغلا حياك وبياك


والله شي طيب يجتمع نقد وشعر محاوره
والله يالبدرأنني مثلك ودي أصير شاعر محاوره
ولامن خساره إلا بها جمع الفلوس الواجد
أحضر وجب لك طاروقين وخذ مقسوم الله وأسر
بغض النضر عن قوة شعرك ومعانيك أهم شئ جب لحن حلو يطرب الجمهور

لاوابشرك اليوم أباصير ناقد بما إنك صرت شاعر محاوره
فرصتي لأنك دائم تلاحظ على شعراء النظم

أعتقدالشطر الثاني من البيت الأول فيه ثقل
عيا لايجي معي باللحن ، وقد يكون الخطأ من تلحيني

(قررت انا اصير شاعر وادخل الملعبه = لوماعرفت النقض والفتل والحانها)
(واكبر شنب ياتقدم ليه ابغلبه = وياويل من هو يقول اخلفت ميزانها)



ههههههههههههههه والله حركه الناقد يُنتَقَد غريب جدا ً

و جاك الرد
خــــــــلـــــوها

قريت ليه خبر يالربع مستغربه=ناقد ينافس راع القلطه وفنانها
الفتل والنقض له ناسه ولاتقربه=أنصحك يالبدر لاتدخل بميدانها

[مشهور الرشدان]

درع عنزه صح لسانك وعتلا شانك
انا ماسك صفك يالبناخي وانا لم ارى لك محاوره من قبل
ولكنني واثق كل الثقه بمقدرتك على شعر القلطه
متااابع

[حمد الضوّي]

اقتباس:
المشاركة الأصلية كتبت بواسطة مشهور الرشدان

درع عنزه صح لسانك وعتلا شانك
انا ماسك صفك يالبناخي وانا لم ارى لك محاوره من قبل
ولكنني واثق كل الثقه بمقدرتك على شعر القلطه
متااابع



هلا وغلا أخوي
مشهور الرشدان
مطنوخ الويلان



صح بدنك يالغالي وأنا والله ماني شاعر محاوره
لكن قلت بما أنني أول واحد يرد على البدر
اباجرب لعلها تنجح
شاكر لك مرورك العاطر



تحايا

[البدر]

ياحي الله الشاعر حمد الضوي

ياشين انت وين الله جابك لي .. انا اذا اجيت ابي انتقد قصيدتك اخاف منك لاني اعرف انها قصيدة شاعر كبير ومن القله النادره بهذا المستوى .

اطيح بيدك في اول محاوره..

على كل لن اسبح ضد التيار!!!!! لذلك سأقول لك

كلامك مردود عليك البيت مابه ثقل ولاشيء ورجاء لاعاد تنتقدني <<<<<تبي الصدق والله مدري لوهو مكسور بس عاد حاول تقراه كذا او كذا لين تحصل له وزن جيد لاني انا مااشوفه مكسور وان لقيته مكسور مشها عاد اخووك عليمي شكلي كله مره اغني على لحن هههه

ولي الشرف والله اني اتعلم منك ياحمد


الزبده استلم الرد

مامن غرابه وهذي ياولد تجربه = من بعدها اصير فارس ضمن فرسانها
وين الصعوبه مادام الفرس مستعربه = بصير شاعر وناقد واضبط اوزانها

[صبيح العوض]

الشاعر البدر

الشاعر حمد

صح الله السنتكم مبدعين مشالله عليكم مايصعب عليكم شي لابنظم ولابالمحاوره ولابنقد متفوقين بجميع اغراض الشعر

متاااااااااااااااااااااااااااااااااااااااااااااااا اااااااااااااابع

[حمد الضوّي]

اقتباس:
المشاركة الأصلية كتبت بواسطة صبيح العوض
الشاعر البدر

الشاعر حمد

صح الله السنتكم مبدعين مشالله عليكم مايصعب عليكم شي لابنظم ولابالمحاوره ولابنقد متفوقين بجميع اغراض الشعر

متاااااااااااااااااااااااااااااااااااااااااااااااا اااااااااااااابع



الغالي صبيح العوض


حياك الله أخوي مرورك شرف بحد ذاته
والله يستر من محاورة الليله بين شاعر نظم وناقد عاد دبرها
لا وفيها شئ من الكلام اللاذع


تحايا