يلي تجيني بس.......................

[حمد الوايلي]

يلي تجيني بـس مـن اجـل الغيـاب=ومن اجل تجديـد لجروحـي واستفيـق
مابينـي وبينـك تكـون لـك ضبـاب=والخط اصبح فـي غيابـك يستضيـق
ياليتنـي قاسـي وابـادلـك العـتـاب=وابادلـك بالصـد لـو انـك رقـيـق
ماهي حكاية لعـب او كـذب وسـراب=ادري بحبك بـس خلـك لـي صديـق
خلـك قريـب ولاتبـيـن باقـتـراب=وخلـك بعيـد وخلـك لقلبـي شفيـق
لاتحسـس القلـب المعنـا باظطـراب=ولا تحمل الاحساس فوق اللـي يطيـق
ترى الحياه ابسط مـن الشـي المهـاب=وان هبت فيها أصبحت في بحرك غريق
سايس تعبها لين يصبـح لـك سحـاب=واسكن وطنها بـس لاتصبـح عميـق
ادرك بانـي نلـت مـن حبـك كتـاب=يحمـل بطياتـه مفاهـيـم العشـيـق
ياكـم تحريتـك وقـررت الـذهـاب=ورجعـت ادور لـك أمـل والا بريـق
صعبه يعيش الشخص في جو اكتئاب=واسر المحبـه ماأرتجـا منـه العتيـق
وصعبه اقاوم حب في روحـي وطـاب=وانساك وانا القلب يشهـق بـك شهيـق
بابقى الحبيب اللي من احبابـه مصـاب=يصون عهد الحب والحب العريـق
اللـي وقـع بالحـب مامنـه مـتـاب=وخلف وراء الحـب انقـاض وحريـق
والحب يبقـى بالخطـا والا الصـواب=والى نـواة الـروح يلقـا لـه طريـق
عالعمـوم افهـم تفاصيـل الخـطـاب=ودقق وانـا خابـرك عـراف ودقيـق
تاكـد انـك لـو تـطـول بالغـيـاب=اهون من انك تلمـس الجـرح ويفيـق

[عبدالله المعيوف الدهمشي]

على العموم افهم تفاصيل الخطاب
,,,,,, ودقق وانا خابرك عراف ودقيق

تأكد انك لو تطول بالغياب
،،،،،، أهون من انك تلمس الجرح ويفيق


الله عليك يا مبدع

صح لسسانك ملايين

[بدرفهد الجعفري]

الشاعر القدير الغائب الحاضر في قلوبنا حمد الوائلي

اهلا بك وشكرا على الحضور المميز بهذه الشامخه الشعريه

صح لسانك وتقبل مروري المتواضع امام شموخ نصك

[محمد بن موسى]

حمد الوائلي

صح السااانك مدد بلا عدد

نص رائع يشفع لك غيابك ياحمد

استمتعت بقرائتي لهذا النص

تقبل مروري وتقديري

كن بخيرر

[جلال الدرعان]

بكل الود والروعه والرقي
نرسل رشة العطر المليئة بالتقدير والاحترام لشخصك الغالي
والتي جعلتنا نصفق لك بقلوبنا ومشاعرنا
بكل سعادة ومودة بهذا الطرح الراقي.
.ولتقديمك الطرح الذي يستحقه ابداعك وتميزك
والذي يعبر مدى ذائقتك العظيمه في مجال رسم الكلمه
في لوحات الزمان المتناثره هنا وهناك
..مجمع تجاري من التميز والابداااع
تحت سقف واحد يمثل روعتك ...
تقبلو مروري

[خلف الغريب]

على العمـوم افهـم تفاصيـل الخـطـاب
ودقق وانـا خابـرك عـراف ودقيـق
تاكـد انـك لـو تـطـول بالغـيـاب
اهون من انك تلمـس الجـرح ويفيـق


بصراحة يا حمد ...




تمنيت لو ما قريت النص كله ..



لأنك فيه لمست الجرح وفاق ..


الله على عذوبتك ووجدانك الشفاف يا رجل ..




الف تحية ودعواتي لك أن يسامحك الله ..

[غموض الشمال]

صح لسانك ولاهنت اخوي حمد الوايلي

قصيده جزله وعذبه وجميله

سجل اعجابي بهذا النص الشامخ

تقديري