برد الشمال.......

[احمد العريفي]

تكـفـين عـن برد الشمال احــضـنيني = خـليني اغـفى بالحـضن مثل الاطفــال

تـكـفـين مـن دافـي حـنانك عـطـيـنـي = الـبـرد عـذبـنـي ولـيـل الـشـتـا طــــال

مـدي لي احـبال الرجـا ســاعـديـنــي = زودٍ عـلى ما بي عـلي الـدهـر مـــــال

يابـنـت مـن وهـم الخـيال انـقــذيـنـي = ابغـى احـدد موقـفي والصبر طـــــــال

لمن طريتي غــصـب تبـكـيـك عـيـني = ما اقــوى ارد الـدمـع يابـنت لســـــال

إلى مـتـى عـن وصلـكـم تـمـنـعـيـنـي = الهـجـر عـقـب الـوصل يابـنـت قـتــال

لا تـبـعـديـنـي دام قــلـبـك يـبـيـنـــــي = قـطعـت لجـل اعـيـونك الاف الامـيـال

اما عـطـيـني الـحـق والا اتـركـيـنــي = اعـيـش مـن بعـدك عـلى هافي الجال

احمد بن عبدالرحمن العريفي
(نديم المجره)

[فاضي عبدالعزيز]

صح لسانك

ابدائع رائع ملي بالجزاله
وهذا ماتعودناه من الشاعراحمد العريفي

درر لاهنت

[احمد العريفي]

اقتباس:
المشاركة الأصلية كتبت بواسطة فاضي عبدالعزيز
صح لسانك

ابدائع رائع ملي بالجزاله
وهذا ماتعودناه من الشاعراحمد العريفي

درر لاهنت

صح قلبك لاهنت
اسعدني ثنائك
ربي يسعدك
تحياتي

[خلف الغريب]

انا لو كنت اعلم عن مضمون القصيدة كان ما دخلت لأنه بصراحة مؤلم جدا ..

صدق من قال يولد الابداع من رحم المعاناة ..

لله درك اخوي احمد فمعك نجد سنابل الجزالة المغروسة في تربة الشعر الحقيقي..

بودي فقط لو لم تتكرر قافية البيت الثاني والرابع حتى يكتمل هذا الابداع ..

تقبل تحياتي

[احمد العريفي]

اقتباس:
المشاركة الأصلية كتبت بواسطة خلف الغريب
انا لو كنت اعلم عن مضمون القصيدة كان ما دخلت لأنه بصراحة مؤلم جدا ..

صدق من قال يولد الابداع من رحم المعاناة ..

لله درك اخوي احمد فمعك نجد سنابل الجزالة المغروسة في تربة الشعر الحقيقي..

بودي فقط لو لم تتكرر قافية البيت الثاني والرابع حتى يكتمل هذا الابداع ..

تقبل تحياتي

سلامتك من الالم
وملاحظتك صحيحه
ولم انتبه لهذا الخطاء ولم يسبق لاحد تنبيهي له من قبل
ولو كان التعديل مفتوح لعدلتها فورا
ربي يسعدك
تحياتي

[بنت الكحيلا]

صح لسانك اخوي احمد العريفي

قصيدة رائعه وجميله

ابدعت بما كتب الله يعطيك العافية

لك شكري وتقديري

[احمد العريفي]

اقتباس:
المشاركة الأصلية كتبت بواسطة بنت الكحيلا
صح لسانك اخوي احمد العريفي

قصيدة رائعه وجميله

ابدعت بما كتب الله يعطيك العافية

لك شكري وتقديري

صح قلبك لاهنتي
اسعدني ثنائك
ربي يسعدك
تحياتي