عيــــــن الشفق

[انور العبدلي العنزي]

عين الشفق توشك على لحظة غياب=تعلن مواريها نهاية بقاها
أرخت على حد النظر ستر وحجاب=ردة مسافات النظر عن مداها
قامت تلم أطرافها والشفق شاب=أقفت تودع نصف يوم بداها
أقفت ثقيله بين وديان وهضاب=تاخذ عطاها لجل تبدي عطاها
موعد رحيل بوقت وحدود وحساب=رحله عظيمه قدرة الله وراها
أقفت حقيقة علم يصعب وينهاب=مهما بلغ وعي البشر ماحواها
لحظة رحيل بشكل يدعو للاعجاب=تقرا مواجعنا ولا احدٍ قراها
ترسم بريشة نورها لوحة عتاب=بالوان بانت في رحابة سماها
لوحة تظم الوانها نزف منصاب=لا حت على وجه السحاب وبكاها
اللون الاصفر بأحمر اللون ينساب=مزيج من لونين لوحة ضياها
لوحه تشد المهتوي صوب مرقاب=تحيي الجروح الكامنه في خفاها
رحلة غياب وخاطرٍ عاف ماطاب=وقلبٍ مع الذكرى يحن للقاها
صوتٍ ينادي داخلي طيف غيّاب=صوتٍ يرجعني على اول هواها
لوحة غروب تذكر احباب باحباب=لحظة غروب وسافرت بي معاها
ريح السما حاني وصدر السما باب=والشوق مركب والخفوق برجاها
لحظة غروب وقلب يشكي ولا تاب=من حب منهي وقتها ماعطاها

[خلف الغريب]

وقفة لهذا الابداع الملون بلون الشفق ..

الله عليك يا انور ..

وكأن القصيدة كتبتها أنامل الشمس ..

صوتٍ ينادي داخلي طيف غيّـاب

صوتٍ يرجعني علـى اول هواهـا

لوحة غروب تذكر احباب باحبـاب

لحظة غروب وسافرت بي معاهـا

ريح السما حاني وصدر السما باب

والشوق مركب والخفوق برجاهـا

الله على هذا الابداع الخرافي يا انور وصح لسانك ملايين كلما غربت شمس واشرقت

[بنت الكحيلا]

صح لسانك اخوي انور العبدلي

والله يعطيك العافية على القصيدة الرائعه

ابدعت بما كتبت بارك الله فيك

لك شكري وتقديري

[محمد بن موسى]

انور العبدلي



الله الله عليك يا انور

صح السانك واعتلا شان يالغالي

قصيدة رائعه بروعة شاعرها

والكلمات تعجز عن البوم امام شموخ كلماتك

فالصمت في حضور الجمال جمال


دمت بود

[ماجد الغانم]

الشاعر القدير

انور العبدلي

صح لساانك ابدعت بحق مشاعر راقية وجزالة متناهية لله درك

دمت بكل خير ..ودام هذا التميز

تقبل جل تقديري واحترامي

[بنت الجزيرة]

اسمح لي ابدي اعجابي بقلمك وتميزك واسلوبك الراقي وتالقك

[بدرفهد الجعفري]

احيانا السكوت افضل من الكلام

وانا ارى انه امام هذه القصيده السكوت افضل

فقط اقول صح لسانك واسجل اعجابي