استيقظت وفتحت جوالي ووجدت فيه بعض الرسائل ؛ كان من ضمنها لأخي العزيز الغالي : طلال الضوي الشمري رسالة رائعة وشاعرية فذة كما اعهده (شرواكم) ؛ يقول فيها :
عز الله انك يالخوي ما ترديت=ولابان منك صوب خلك جفاوي
مير البلا لا ضاق صدري تغنيت=يا وين خلي وين ذاك الشقاوي ؟!
أقول وينك ؟! وارسل بمدحتك بيت=وابيت ليلي اشهب اللون ذاوي
ارجي خليل عزتي لا تعزويت=ذيب الرجال ولا نخي ما يلاوي
شبيه حرٍ لا كفخ حصل الصيت=ركاز مزاع اللحم والشلاوي
لا يابعد حيي وحيي مع الميت=يا عيد روحي يالخوي يالنداوي
فرديت عليه بهذه الابيات آملا أن تحوز على رضاكم :
الله يخرب بيت من يحسبه بيت=لاصار هذا بيت عنده يساوي
اخذت جزلات المعاني وخليت=لبقية الشعار هلس الحكاوي
عرش الكرم فوقه جلست وتمركيت=وتشرب طواريق القصايد قهاوي
قافك دوا قلبي ومنه تشافيت=دوا عليلٍ ما لقاله مداوي
كفّيت والله يالسنافي ووفّيت=ذكرني بقافك قصيد الخلاوي
لحّنت قافك به ثملت وتغنيت=كني على درب الشقا صرت غاوي
يا دنيتي يا منيتي لا تمنيت=انت الوحيد اللي تجيب المناوي
عزي وعزاي وعزوتي لا تعزويت=لامن زعجت الصوت يمّك عزاوي
انت السما والليل والغيث هليت=سحاب جودك بالندا يا نداوي
هليت ثم صبيت وامريت وارويت=يا مشبعٍ بيديك من بات طاوي
ييا مشبعٍ طير السما كان هديت=تشبع بهداتك ذيابٍ تعاوي
وقت الشدايد مسندي لا توازيت=ضربٍ على العدوان ماهو بــ ياوي
لا صارت القاله فزعت وتهاديت=مثل الذي لاشاف شوقه هواوي
لا هاجت العجه حشا ما تخفيت=ستر العذارى لا رمنّ الغشاوي
لا جابك الطاري تفاخرت وابديت=اني لبو فيصل خويٍ مخاوي
ياما عن الجاهل صفحت وتغاضيت=ويا ما عن المبلي تشيل البلاوي
وللمرجله يا ما عنيت وتعنيت= مشيك على هالدرب حث الخطاوي
وسلامتكم ...
20/08/05, (11:28 PM)
الله يــ خرب بيته ..
العرض المتطور
