بسم الله الرحمن الرحيم
السلام عليكم ورحمة الله وبركاته
من قصائد الامير الراحل الشاعر محمد الاحمد السديري
وهاالقصيده قريبه لقلبي كثييييييييير
إن صار زود المال بيدين الانذال = حنّا من المعروف تندا يدينا
وان كانهم شرهوا على طيب الافعال = حنّا وردنا جمامها وارتوينا
وان فكّروا للجود يمشون رحّال = حنّا قبل يمشون يّمه خطينا
يا ما لبسنا للشرف كل سربال = وعلى البسيطة للفضيلة مشينا
في دوحة العربا لنا مجد وظلال = وحنّا على در المكارم غذينا
لو نجمع اللي فات منا من المال = إن كان شيدنا القصور وبنينا
نعطي ولا نتبع عطانا بالاقوال = ونبذل ونسكت كننا ما عطينا
وان باعوا الشيمة بدينار وريال = حنا دخلنا سوقها واشترينا
نطلع لها لو هي على روس الاقذال = لو هو عسير ٍ دربها ما انثنينا
بافعالنا نرسم دروب ٍ للاجيال = إليا نساها غيرنا ما نسينا
أسوات سادات ٍ تسجل للاشبال = فضايل ٍ شمنا لها واهتدينا
بيض ٍ نسجلهن جديدات وسمال = حفايظ ٍ لاحفادنا اللاحقينا
نصبر على الشّدات لو شيلنا مال = لو سال دم دفوفنا ما شكينا
نخاف يلقى سدنا كل ختّال = ويبني هزيلات المعاني علينا
الليل يا خالد على والدك طال = واهنّي ناس ٍ بالكرا نايمينا
يا عز راسي شفت ما خبث البال = شي ٍ يهوّل شيّب الجاهلينا
شي ٍ من اسبابه يشيب بالاطفال = فطّر خشوم مهجرعات الحنينا
أدير قالات ٍ عريضات وطوال = قالات خلنّ المخفىّ يبينا
منهن رزين العقل بالوقت يهتال = بوقت ٍ عبوس ٍ فطّن الغافلينا
وقت ٍ من اسبابه شكى كل ريبال = نصبر ونسكت كننا غايبينا
الناس بالأيام راحل ونّزال = تفجعهم الدنيا وهم دالهينا
وحيات رب ٍ نزل آيات الانفال = عالم خفايا نية الحاقدينا
ما اترك طريق العدل في كل الاحوال = لو يرحل المريخ للفرقدينا
19/01/11, (11:44 AM)
رآآآآآئعـــه
العرض المتطور
