تعالو نعيش أيام زمان ولو دقائق ( الجزء الاول ) تفضلو

[جلال الدرعان]

تعالو نعيش أيام زمان ولو دقائق

كيف الحال يا أعضاء ويا عضوات
اليوم جبنا لكم موضوع جديد وأتمنى انه يحوز على رضاكم وإعجابكم وحبينا نختبر
ثقافتكم ومعلوماتكم في التراث الشعبي اللي هو تراث أبائنا وأجدادنا ..
المسابقة أو المشاركة في الموضوع هو عبارة عن كلمات راح اطرحها لكم هالكلمات
عبارة عن أشياء وأغراض كانو يستخدمونها في قديم الزمان مثل مسميات الأواني أو
الآلات الزراعية أو أي شي كانو يستخدمونه سواء من كلمات أو أماكن يعني ( راح
ننبش الماضي ونطلع كلام أبائنا وأجدادنا ) بس بالامانه اللي يشارك في الموضوع لا
يسأل ابوهـ ولا جدهـ عن المسميات يعني نبغا نشوف مدى أصالتكم ومدى تمسككم
بعبق الماضي ( يمديكم على عبق الماضي <<<< عنده مواهب بس محد اكتشفها )

يلا عاد خلونا نشوف شطارتكم ومدى تمسككم بتراث الآباء ولو شفت منكم تفاعل
راح انزل كل أسبوع كلمات جديدة وانتم تكتشفون وش هالكلمات وش تعني , عاد
الفائز اللي يجاوب على جميع المسميات له جائزة .

الجائزة الأولى والكبرى / حلاو بقر
الجائزة الثانية / قريض
الجائزة الثالثة / أقط ( مضير )
كذلك بما انو فيه جوائز للفائز فيه عقاب لخاسر الدجه اللي ما يعرف شي عن تراث ابائه واجداده ..
العقاب الأول / يروي من القليب ويسقي جميع الأعضاء والعضوات ( حطو في بالكم انكم بتروون في القايله )
العقاب الثاني / يلقح ويحش في نخل أبوه ( حطو في بالكم انه في القايله بعد )
العقاب الثالث / يسرح بالغنم ( كذلك في القايله )
<<<<<<<< ما عنده يمه ارحميني في سبيل المحافظة على الموروث الشعبي في ظل التطور والعولمة .


الكلمات طول الله عماركم :
الجابيه / .............. ......
المجبب / ................ .....
منسفه / ................. .....
القفــه / .................. ......
الحجول / .........................
الميقعه / ......................... .
المعصاد / ..........................
عاد انتم وشطارتكم توقع وش هالمسميات له , عاد انا اتوقع انكم راح تعرفون اغلب المسميات .
أتمنى لكم قضاء أجمل وأمتع الأوقات في ظل إحياء الموروث الشعبي .

منقول للفائدة

[فايز الفايز]

احم احم

عز الله الي تورطنا ياجلال

بس ماهي مشكله بقول الي اعرف

ان شاء الله تكون صح اجاباتي

الجابيه / للاسف الاجابه ماعرفها

المجبب / كذلك الاجابه ماعرفها

منسفه / اذا ماهو المنسف اكله قديمه ..!

القفــه / اعتقد شي توضع فيه الاغراض ..!

الحجول / نوع من انواع المجوهرات للزينه للنساء

الميقعه / المطرقه ان شاء الله صح

المعصاد / اداة تستخدم لتحريك الطبخه

ان شاء الله تكون الاجابات صح

تقبل مروري

[جلال الدرعان]

المشاركة الأصلية كتبت بواسطة فايز الفايز

احم احم

عز الله الي تورطنا ياجلال

بس ماهي مشكله بقول الي اعرف

ان شاء الله تكون صح اجاباتي

الجابيه / للاسف الاجابه ماعرفها

المجبب / كذلك الاجابه ماعرفها

منسفه / اذا ماهو المنسف اكله قديمه ..!

القفــه / اعتقد شي توضع فيه الاغراض ..!

الحجول / نوع من انواع المجوهرات للزينه للنساء

الميقعه / المطرقه ان شاء الله صح

المعصاد / اداة تستخدم لتحريك الطبخه

ان شاء الله تكون الاجابات صح

تقبل مروري

شد حيلك بس وقل الي تعرفه بدون تردد اهم شي المشاركه معنا لو تخطى عااااادي
البير اقريب والغنم موجود باالاستراحه والقايله هاالايام هذا مافيها حر والجو حلو خخخخخخخ !


مادري وش اقولك ولكن ننتظر اجابات اخواننا واخواتنا وبعدها انشوف ونقرر

[مشهور الرشدان]

استاذي. وصقيقي. جلال الدرعان.
عز. الله انك ورطتنا. وأنا بقولك. اللي أعرف بكل صراحه.
ويشهد. علي الله ما سئلت أحد.
المنسفه. أكله. بس مدري إيش. محتوياتها.
ماغشيتها. من اخوي أبو لمار. أعرفها من أول.
الباقي. أكذب عليك. إذا قلت لك أعرف.
موافق. على. اني أسقيكم. من. البير.
ولقح النخل. بس. اسرح بالغنم. وبالقايله.
هههههههههههه. أعفني منها وأنا اخوك.
شكرا على هذا الموضوع. المميز. استاذي. جلال.

[جلال الدرعان]

المشاركة الأصلية كتبت بواسطة مشهور الرشدان

استاذي. وصقيقي. جلال الدرعان.
عز. الله انك ورطتنا. وأنا بقولك. اللي أعرف بكل صراحه.
ويشهد. علي الله ما سئلت أحد.
المنسفه. أكله. بس مدري إيش. محتوياتها.
ماغشيتها. من اخوي أبو لمار. أعرفها من أول.
الباقي. أكذب عليك. إذا قلت لك أعرف.
موافق. على. اني أسقيكم. من. البير.
ولقح النخل. بس. اسرح بالغنم. وبالقايله.
هههههههههههه. أعفني منها وأنا اخوك.
شكرا على هذا الموضوع. المميز. استاذي. جلال.

عز. الله انك ورطتنا. وأنا بقولك. اللي أعرف بكل صراحه.

بالعكس وانا اخوك ادعوه ومافيه نبي نعرف تراثنا وانت والي تعرفه

ويشهد. علي الله ما سئلت أحد.

مصدقك مرررررة بس اهم شي تجيب المسميات صحيحه


المنسفه. أكله. بس مدري إيش. محتوياتها.
الله يرجك يامشهور شكلك جوعان مرررررة


موافق. على. اني أسقيكم. من. البير.
ولقح النخل. بس. اسرح بالغنم. وبالقايله.
هههههههههههه. أعفني منها وأنا اخوك.

ههههههه شكلك انكـ انت الي راح تسقي الاعضاء جميعهم وبدون استثناء
اما بالنسبه للغنم مالك عنها اذا طلعت اجوبتكـ كلها غلط الله يعينك بالقايله تسرح بالغنم الشمس فيك فيك الله لا يعوق بشر


واشكرك على مرورك ومشاركتك معنا في احيا تراثنا الغالي

طبعا ماراح اقول المسميات حتى اشوف ثقافه اخواني الاعضاء
بنتظااااااار مشاركات الاخرين ؟

[ريماس]

يؤ وانا جايه احسبكم بتعرضون لي صور وتحكون لي حكايات عن الماضي يعني مثل قصص جدتي الله يرحمها

بس يافرحه ماتمت لقيت تهديد ووعيد وكلام غير مفهوم

بس شوف وانا اختك ياجلال فيه كلمه وحده اعرفها واتحداك تقول غلط وهذه الكلمه من جدتي الله يرحمها يوم جت من الحج مره وجابت لي اساور وتقول انا جبت لبنيتي حجول ولبستنياهم ياربي يرحمها

يعني الحجول اساور بس مو من ذهب

والباقي والله ما اعرفه وانا اختك

[جلال الدرعان]

المشاركة الأصلية كتبت بواسطة ريماس

يؤ وانا جايه احسبكم بتعرضون لي صور وتحكون لي حكايات عن الماضي يعني مثل قصص جدتي الله يرحمها

بس يافرحه ماتمت لقيت تهديد ووعيد وكلام غير مفهوم

بس شوف وانا اختك ياجلال فيه كلمه وحده اعرفها واتحداك تقول غلط وهذه الكلمه من جدتي الله يرحمها يوم جت من الحج مره وجابت لي اساور وتقول انا جبت لبنيتي حجول ولبستنياهم ياربي يرحمها

يعني الحجول اساور بس مو من ذهب

والباقي والله ما اعرفه وانا اختك

هلا بك اختي ريماس مرحبا الف ومشكورة على المشاركة معنا
مستانسه انكي جبتي وحدة ايه ايه اظاهر الغنم ماعندها احد والقايله يمدحونهاااااااا ههههههههههه