ماهـــي غـــريــبــه - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 30/12/10, (03:04 PM)

بسم الله الرحمن الرحيم

مــاهـــي غـــريـــبــه

ياقـلب انا بوصـيك مادمت مجـروح=قدام تدميك الجــروح الثــقــالــي
مادام من جرح الزمن صرت مفضوح=لاتـامـن ايـام الـدهـر واللــيـالي
كـم قلب قبـلك كان تنبـض بـه الروح=والـيوم مـابـه روح ياعـز حـالــي
ماهـي غريبه والهوى كله جـروح=والعشـق مايرحم ولا به عـدالي
هاذي عيون اهل الهـوى كلها تنوح=والدمـع مايذرف علـى غير غاالـي
وانا ذرفت الدمـع والخـاطـر يفـوح=الخاطر اللي كان بالعـشق خـالـي
ماكنت احسب ان الهوى يمكن يلوح=بـرقـه علـى قـلبـي ويمطر خيالـي
الا بعد ماشـفتـه اليوم مطـروح =بارض الغرام وطاح غيري قبالـي
القلب طاح وخلي اليوم مسـمـوح =الله يـبـيـحـه كـان حـصـل بـدالـي
كانه هجرني باجبر القلب وابـوح=واقول له قولن مايرضى جداالـي
من جاء على كيفه على كيفه يروح=ماهو انا اللي ينتظر للتوالي
وكاني شعرت ان الغلا لعب ومزوح =ماني من اهل اللعب ياهملالي
اما بعشق يترك البال مشروح=ولا فـراق يرفـع الراس عالـي

**حمد الوايلي** · 30/12/10, (03:22 PM)

الشاعر\مشهور الرشدان

صح السانك وعلا شان
قصيده مميزه ولها رونق خاص

يعطيك الف عافيه

**محمد بن موسى** · 30/12/10, (04:53 PM)

اما بعشـق يتـرك البـال مشـروح
ولا فـراق يرفـع الـراس عـالـي

مشهور الرشدان

الله عليك يامشهور نص راقي وبقمة العذوبه
وفعلاً ياذيبان اما عشق الصدر مشروح والا الفراق بعز وكرامه

نص اقل مايقال عنه رائع

دمت ودام نبض قلبك

**مشهور الرشدان** · 30/12/10, (06:48 PM)

حمد الوايلي صح بدنك وبيض الله وجهك
وشكرا على مرورك الكريم

**سليمان مفضي العنزي** · 30/12/10, (06:50 PM)

اقتباس:

امــا بعـشـق يـتـرك الـبــال مـشــروح = ولا فـــراق يــرفــع الــــراس عــالــي

هذا البيت يكفيني عن عشرات القصائد

احسنت يامشهور الرشدان وصح لسانك على ما ابدعت به

صح لسانك

**بدرفهد الجعفري** · 30/12/10, (06:51 PM)

حضور زاهي بكل الوان الجمال

الشاعر مشهور الرشدان جميل هو حضورك ومميزه هي مفردتك

اعجبتني ابياتك واتمنى تقبلني احد المعجبين

**مشهور الرشدان** · 30/12/10, (06:52 PM)

سلطان الحرف

شهادتك اعتز فيها وبيض الله وجهك

والرائع مرورك الكريم طال عمرك