الله يسامح غيبتك ويش سوت..!! - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 29/12/10, (06:48 PM)

الله يسامح غيبتك

ويـش سـوّت
عقبك حياتي مع مماتـي تسـاوت

\

/

أضعف همومي في غيابك تقـوّت
وأصغر جروحي بالحشا ما تداوت

\

/

ودارٍ بها بسمـة محيّـاك ضـوّت
أركانها عقب انقطاعـك تهـاوت

\

/

وذيك الورود اللي بحبّـك تـروّت
سقّايها من غاب قامـت تمـاوت

\

/

وقصيدي اللـي بالدفاتـر تنـوّت
وزنه تكسّر .. والمعانـي تـلاوت

\

/

وصفحات فرْحي يا حبيبي تطـوّت
كن السعاده مع كفوفك .. تخـاوت

\

/

يا من غيابك داخل القلـب مـوّت
نور الشموع اللي بقربك تضـاوت

\

/

إسمع صدى صوتٍ مع الليل صوّت
وين أنت يا خلٍ له الروح هـاوت

\

/

فك الحبـال اللـي عليّـه تلـوّت
وأشفْ النفوس اللي بعد ما تشاوت

مما رااااق لي..غموض الشمال

**أبو غرام** · 29/12/10, (07:28 PM)

الله لو كتبتي الشاعر او الشاعره اختاه

نص مغاير ووارف يطرب المتذوق للشعر

صح لسان القائل والناقل
وشكرا على مثل هذه الذائقه

**غموض الشمال** · 30/12/10, (04:22 PM)

اقتباس:

المشاركة الأصلية كتبت بواسطة جائز المليحان

الله لو كتبتي الشاعر او الشاعره اختاه

نص مغاير ووارف يطرب المتذوق للشعر

صح لسان القائل والناقل
وشكرا على مثل هذه الذائقه

تسلم اخوي ابو احمد

والشكر موصولك على مرورك الراقي

تقديري لك

**محمد بن موسى** · 29/12/10, (08:11 PM)

يا من غيابك داخل القلـب مـوّت
نور الشموع اللي بقربك تضـاوت

\

/

إسمع صدى صوتٍ مع الليل صوّت
وين أنت يا خلٍ له الروح هـاوت

شاعرتنا القديرة / غموض الشمال

اختيار رائع ومميز وفقتي في نقله

ذائقه متفردة اختي

دمتي بود