يا ضيقة الصدر وش باقي على بكره - °~*¤®§(§ شبـــكة ويــلان العـربـيـه §)§®¤*~ˆ°

**جلال الدرعان** · 26/12/10, (12:23 AM)

يا ضيقة الصدر وش باقي على بكره
يا طول الساعتين وطول غربالي

الليل كله وأنا فكره وراء فكره
ومن دلة الهم ماهزيت فنجالي

ما كنت أظن الحبيب إليا عشق يكره
إلين جربت فرقا اللي شغل بالي

أثر الجفا موت مثل الموت له سكره
يالله لاتقطع الغالي من الغالي

من يوم قفا وأنا للموت أبفتكره
والله ليبطي بقلبي منزله خالي

الطير لامن غدا ما عاض به وكره
يقضي وفعله مع المده يورالي

لا صار فعل وغلا بالقلب محتكره
في ضيقته يأخذ الأول مع التالي

قد قالوا الطير يا وفيه يانكره
وأقول نكاره العشره بروا حالي

أرجع لموضوعنا السابق على فكره
ماني بأنا اللي مفارق بس بلحالي

البعد سم البشر ماني بمبتكره
عزي لمن جرب الفرقا وعزالي

هذا الجفا موت ومثل الموت له سكره
يالله لاتقطع الغالي من الغالي

**بنت الكحيلا** · 26/12/10, (12:38 AM)

اختيار في قمة الروعه

تسلم اخوي جلال الدرعان

الله يعطيك العافية

**عبدالله المعيوف الدهمشي** · 26/12/10, (10:45 PM)

أختيار رائع

انا اشهد انه شعر

جلال الدرعان

صح ذوقك وصح لسان شاعرها

**جلال الدرعان** · 26/12/10, (11:18 PM)

شاكر لكم مروركم الرائع الذي اسعدني
لاحرمني الله طلتكم الجميله
يعطيكم الف عافيه

**سعد بن هندي** · 27/12/10, (02:50 AM)

جلال الدرعان
الله يعطيك العافيه
على الاختيار الرائع
ودي

**جلال الدرعان** · 27/12/10, (10:15 PM)

اقتباس:

المشاركة الأصلية كتبت بواسطة سعد بن هندي

جلال الدرعان
الله يعطيك العافيه
على الاختيار الرائع
ودي

يتملكني كل ما هو رائع ..
في حال حضور الانقـياء وتوزيع إبتساماتهم ..!
بالتالي فكل حرف يضاعف لك به الشكـر ..
سررت بوصول النص إليك
كلي إحترام وتقدير لقلمك / قراءتك .!
أنا من اسعـد بتواجدك وقبولك الموضوع ..
أن تري الكلمات بعين الرضـا فذاك المـنى و المراد .!
الاحساس الجميل يتمثل في حضــورك ..
كم انا مسرورا بهذا الحضور .. وكم أنا ممتن
لهذا النهر العذب الذي تشكله مساحة حضورك ..
إحتفل المتصفح وكلماته بقبولك و إطراءك ..

**مشهور الرشدان** · 27/12/10, (02:40 PM)

جلال الدرعان مشكور على هذا الاختيار الرائعه
وبيض الله وجهك