يا هاجسي دامك بـراس نايـف ومدهـال ذيـب=ما يسكن الرجم الخلـي الا .. عديـم ودمـوي
مطلوب من بعض العرب للموت في بطن الشعيب=والموت قسمه من نصيب اللي ذراعـه يلتـوي
ما جيتني عابر .. سبيـل ولا تخيلتـك غريـب=الا من عظام الظهر وعصابـة الـراس القـوي
يوم الله اللي ميزك عن غيـرك بطبـع عجيـب=وصاك ما تسري مع الهبوب والـدرب الضـوي
من قال لك لا تارد .. البيـر الموالـي للحريـب=الـرزق مـا هـو منـة ذات والا مــن ذوي
وش يمنع الضامي ليا منه وقف فـوق الجليـب=ما ياخذ .. بحبل ودلو .. ويسوي سوات بـدوي
لا صار .. كبده موقده واطرافهـا تلهـب لهيـب=امـا يبـل عروقهـا .. والا يمـوت وينطـوي
قال المثل اسئل مجـرب قبـل لاتسئـل طبيـب=صيد امس خلـه للثعـل لا يطبـخ ولا ينشـوي
ولا تلتفت لفتة جريـح يـدور الـرزق القريـب=من لا سرى مع الغيوم الساريـه مـا يرتـوي
ياللي تهرول هروله والنوم من عينـك سليـب=خليـت درب المسهلـه للـي بجلـده منـزوي
ما كنك الا .. يالخوي مذهب ورايح لـك ذهيـب=كل ما طرت لك كايده تاقف على الظلـع تعـوي
وان لدت عيونك على راس الطويلـه والصعيـب=رحت تعدي كن الصعب يعطيـك دافـع معنـوي
ما تسمع الا همهمـه قدامـك وخلفـك نحيـب=واللاش ثوب المرجله بالسوق والـم وشـروي
الدرب يوميلك ومن شـرواك فالـه مـا يخيـب=ما فات مات ليا متى يا صاحبي وانـت جلـوي
وانا خويك لا بغيت لـك مـن العالـم صحيـب=اجيك من حيث انتهى الرجا .. وليا عز الخـوي
باسي شديد .. وليا رقيت الظلع وبراسي قنيـب=اماسي رجوم الخطر واعيش عمـري فوضـوي
ما خفت من طعن الصدور الخوف من طعنة كليب=لا جات من يمنـى صديـق وكيدهـن الانثـوي
وان كثرت جروحي وشفت الشمس ألت للمغيـب=اضرب على الكايد عسى تبرى الجروح وتنكـوي
ما دمت اخيل الغيم داني والمح الغصن الرطيـب=كلما تهزه ريـح اشرلـي علـى مـا يحتـوي
كنه يقول ابشر .. على ما تشتهي جاك النصيـب=خذ ما تيسر واسترح والـزاد دونـك مستـوي
دام الجـروح المؤمنـه صيورهـا لازم تطيـب=الصبر .. مفتاح الفرج والمجد للعقـل السـوي
21/12/10, (10:02 PM)
عز ... الخوي
العرض المتطور
