"وش غيرك" - °~*¤®§(§ شبـــكة ويــلان العـربـيـه §)§®¤*~ˆ°

**بنت الكحيلا** · 08/12/10, (07:05 PM)

كنت احسبك لا طول البعد تشتاق=اشتاق لك واحسبك مثل اشتياقي
لكن خسارة ما بقلبك لي اشواق = رسم في خط النهاية ...فراقي
مسكين قلبي تو من عالمك فاق = شاف الحقيقه واضحه ثم فاقي
اهل دمعات القهر ليل واشراق = وشلون يرضى صاحبي با احتراقي
حاولت ابا انسى لكن القلب ما طاق = وفراق مثلك لا حشى ما.. يطاقي
من صدك القاسي ترا الكون بي ضاق = وبالي على وسعه من الصد ضاقي
وش غيرك من بعد ما كنت مشتاق = اهل الحسد ولا لك الجو... راقي
لولا الوفاء والحب ما صار عشاق = ولو لا الجفا ما مات حلم التلاقي
اغار وليا غرت ما عندي اخلاق = ولا كن باقي لك من الود ..باقي
واليا هديت من الزعل ارجع اشتاق = واجمل تعابير الغلا لك... تساقي

**عبدالمحسن الجلوي** · 08/12/10, (07:09 PM)

لولا الوفاء والحـب مـا صـار عشـاق
=ولو لا الجفا مـا مـات حلـم التلاقـي

صح لسانك ابيات في غاية الجمال ...

بنت الكحيلا كفوا والله فيك وصح لسانك واعتلا شانك ....

**بنت الكحيلا** · 08/12/10, (07:12 PM)

اقتباس:

المشاركة الأصلية كتبت بواسطة عبدالمحسن الجلوي

لولا الوفاء والحـب مـا صـار عشـاق
=ولو لا الجفا مـا مـات حلـم التلاقـي

صح لسانك ابيات في غاية الجمال ...

بنت الكحيلا كفوا والله فيك وصح لسانك واعتلا شانك ....

صح بدنك اخوي محسن الجلوي

وماعليك زوود الله يعطيك العافية

لك كل التقدير