قـــلبي لــيــا شــاف المزايـيين مــــراض.... - °~*¤®§(§ شبـــكة ويــلان العـربـيـه §)§®¤*~ˆ°

**عبدالمحسن الجلوي** · 21/09/10, (09:56 PM)

قلبي ليا شاف المزايين ... مراض *** ان شاف خدرات النواعس مروضي

ان شفتهن ماني عن الشوف غضاض *** الا عــن الجارات دايــم غضوضي

بالليل شاق العين بــــرقا لــيــا ناض *** بعيد يوم انه تـــكاشــف ينـــوضــي

انشهد ان الـــبرق للـــنفس وعاض *** ويــحرك اللي مـــن همومه يجوضي

ياريم قــلبي منك يقرض بــمقراض *** قرض النخيل ان جــا جـــداد القروضي

ارجيك رجوى من سقط تحت الانقاض *** تحت الشــواهق يـــوم صارت نقوضي

قــام يـتشهــد يحسب ان العــمر فــاض *** وانـــجاه ربـــي يوم صارت خضوضي

وانشهد انــي منك ماني بـــمعتاض *** الا بـــرجا اللي للــــخساير يـــعوضــــي

ياطير ياللي فـــوق الاغـصان هياض *** سببت في قـــلب الــــمعنى رضـــوضـــي

لــــوا هــنيك بالـــجناحين نـــهاض*** تتركــــني الليلة وتتــــرك حـــضوضـــي

يابنت مــــن لــهم بالامجاد مــركاض *** اللـــي يقــضون الــــكتايــب قضــــوضــي

خيالـــهم ماهـو عن الـموت فــضاض*** مايــــنهــزم يـوم السبايا عـــــروضـــــــي

علــــى غــــلاك الــقلب شتاي قياض *** أنـــخاه وازرا لا يــــطيــق الــــنهوضــي

رحـــمتك ياربا للاســــلام فــــراض *** ياللي نـــصلي لك جــــميع الـــــفروضـــي

شعر عبدالمحسن الجلوي

**عبدالمحسن الجلوي** · 22/09/10, (04:38 AM)

اخواني سقط سهوا هذا البيت من القصيدة:

اللي سقتني خمر بابل بالالحاظ *** من يوم شفت الشدو فـــوق اللحوضي

وشكرا لـــكم الشاعر عبدالمحسن الجلوي

**طلال المطردي** · 22/09/10, (12:12 PM)

صح لسانك اخوي عبد المحسن الجلوي

قصيده مميزه ورائعه تدل على ابداعك في الشعر

تقبل تحياتي ،،
اخوك طلال المطردي

**محمد بن موسى** · 23/09/10, (04:46 AM)

الشاعر /
عبد المحسن الجلوي

صح السانك مدد بلا عدد

قصيدة رائعه اخي الكريم

وقافيه لايتقنها الا شاعر مبدع ومتمكن

واستغرب من طرحك لها في قسم المحاولات

دمت بود

**عبدالمحسن الجلوي** · 23/09/10, (05:56 PM)

طلال المطردي

محمد بن موسى

تشرفت بمروركم وشهادة اعتز بها الله يبارك بعمركم ان شاء الله....

**نايف نزال الهبداني** · 08/01/11, (12:10 AM)

صــــــــــ ح لـــسانـك وتسلم يمناك يالغاالي

**فهد السلقاوي** · 09/01/11, (04:30 PM)

عبد المحسن مبدع القصيده مو ذا منتداها موقعها منتدا الشعراء

بس لو تعدل الشطر ذا

قــام يـتشهــد يحسب ان العــمر فــاض

طويل ويسبب ضعف بالوزن يالغالي

دمت بووود

فهد السلقااااوي