.... (( زين الوصّوف )) - °~*¤®§(§ شبـــكة ويــلان العـربـيـه §)§®¤*~ˆ°

**محمد بن موسى** · 11/09/10, (12:58 AM)

الزين كله والحلا .. بزين الوصّوف=اللي قبل سلطان قاله جّدها
اللي بها عن كل خلق الله نوف=في فكرها وفي مزحها وفي جدها
متفرده لو حولها العالم وقوف=وفي حسنهم مافيهم اللي نّدها
ولو تجتمع كل الخلايق في صفوف=محد(ن) قدر بالزين ياصل حّدها
ياحظ منهو صافح لذيك الكفوف=والا لمس بيديه طاهر خّدها
عز الله ان اللي ملك ذيك الهنوف=اسّعد سعيد وفرحته من قّدها
يارب ليّن قلبها لي يارؤف=وترحم قليبن ذاب يشكي صّدها
اللي لها الخفاق ولهان وشغوف=وايديه لمعانق يديها مدهّا
يارب وانت بما جرى لعبدك تشوف=وتعلم بأنه صادق(ن) في ودهّا
انك تيسّر كل صعبات الظروف=وعين العدو يارب بأمرك لدّها
وياحظ منهو فاز في زين الوصوف=اللي قبل سلطان قاله جدها
اللي بها عن كل خلق الله نوف=في حسّنها وفي هزلّها وفي جّدها

**بدر العيد** · 11/09/10, (07:03 AM)

صح لسانك يابن موسى بس منهو سلطان متابع لك عن كثب

**محمد بن موسى** · 11/09/10, (11:33 PM)

اقتباس:

المشاركة الأصلية كتبت بواسطة بدر العيد

صح لسانك يابن موسى بس منهو سلطان متابع لك عن كثب

اخي الغالي / بدر العيد

صح بدنك ونبض قلبك ياسنايدي
اسعدني مرورك العطر واطراءك الجميل
ومتابعتك اتشرف بها وتاج على راسي

وبالنسبه لتساؤلك عن اسم // سلطان
كما ذكر اخوي الغالي فهد السلقاوي في اجابته (( اسم سلطان )) لقب لي في اغلب المواقع
تشرفت بأطلاقه من اغلب المتابعين والقراء وفكثيراً ما يتردد هذا اللقب في اغلب قصائدي
وبما ان سياسة المنتدى هنا تمنع الالقاب تم تسجيلي بأسمي الصريح محمد بن موسى
ولكن يبقى سلطان مرافق وملازم لي مدى الحياه
اتمنى ان اكون وضحت السبب من تردد اسم سلطان في اغلب قصائدي

دمت بود