لامن بدعت القصيد ولعت ناره - °~*¤®§(§ شبـــكة ويــلان العـربـيـه §)§®¤*~ˆ°

**الدامر** · 10/08/05, (08:07 PM)

اعزائي اعضاء منتدى ويلان بعد غيابي عنكم بسبب ظروفي اهديكم هذه القصيده المتواضعه

اتمنى ان تنال اعجابكم

لامن بدعت القصيد ولعت ناره=شبيتها والوقايد هرجت لساني
القاف يعزف لحن مع صوت قيتاره= نغمات عودن يجاوب حس فناني
شاعر بيوته ذهب وتافي الشباره= لاقام يلعب على لاحي وليحاني
وليابغيت التحدي جيت مختاره= جزل المعاني ولاتقدر تحداني
والشاعر اللي قبالي قل مقداره= شاف القصايد جزال وقو شيطاني
وليا بغيت الغزل والليل وسراره= حتى المطوع يصير اليوم هيماني
يقول عطنا قصيد الحب واخباره=ابي القصايد تقرب بعد خلاني
والمدح للي يعشي الضيف لازاره= وهذي عوايد هل الطولات ويلاني
والشعر لامن بغيته تحضره شاره=يجيب بيته ويردفله مع الثاني
ماقول انا اللي لحالي والشعركاره=لاكن شعري يغيض اليوم عدواني

**كامل الخدلي** · 10/08/05, (09:03 PM)

الدامر صح لسانك وعودا حميدا

**حمود نايف الهذيل** · 10/08/05, (09:54 PM)

صح لسانك على هذه القصيده الجميله

تحياتي وتقديري

**هزاع الساري** · 11/08/05, (12:33 AM)

وليا بغيت الغزل والليل وسـراره
حتى المطوع يصير اليوم هيمانـي
يقول عطنا قصيد الحب واخبـاره
ابي القصايد تقرب بعـد خلانـي

صح لسانك يا الدامر

ولاهنت على الابيات الجميلة

لـــــــــــــك ودي

هزاع الساري

**الدامر** · 12/08/05, (03:25 AM)

صحت ابدانكم جميعا والله يعطيكم العافيه على مروركم

اخوووكم الدامــــــــــــــــر

**محمد الدلماني** · 12/08/05, (06:47 AM)

والشاعر اللي قبالي قـل مقـداره
شاف القصايد جزال وقو شيطاني
وليا بغيت الغزل والليل وسـراره
حتى المطوع يصير اليوم هيمانـي

صح لسان اخوي الدامر

ابيات جميله

لاهنت

**فهد الخدلي الفدعاني** · 12/08/05, (08:17 AM)

لامن بدعت القصيد ولعـت نـاره
شبيتها والوقايـد هرجـت لسانـي

صح لسان اخوي الدامر

ولاهنت على الابيات الجميلة

ودمت بخير