الصداقهـ - °~*¤®§(§ شبـــكة ويــلان العـربـيـه §)§®¤*~ˆ°

**أبو غرام** · 19/08/10, (07:08 PM)

السلام عليكم ورحمة الله وبركاته

نص يتشرف بمعانقة قلوبكم الطاهره .. اتمنى ان ينال على رضاكم واستحسانكم

دام الصداقه ما لها جذر وشروك=اضرب عليها الإكس وإلعن ثواها
ملعون ابو من يجحد الطيب .. صعلوك=ومن باع خوة صاحبه ماشراها
الرفقة اللي مالها عقد وصكوك=اموثقه بالطيب في محتواها
ماتنبغى لو جمّلوها وجابوك=وقالوا تفضلها على ما تراها
لابو العفانه لابو عرفتك لابوك=يابن الردي .. ديرتك ماني بسماها
يمنايَ ارفع من مصافحك يالعوك=ويسرايَ تكرم عن ميامن طماها
انا عشير اللي الى جو حطوك=باقصى المراجل .. واقفٍ من وراها
نسل النشامى ماهم نسلٍ من ابوك=والنايفه تصعب على من بغاها
مايكسبه هافي وضايع و معكوك =غير النشامى ما يتناول مداها
علاقتي معهم مهي .. عطني ودوك=على النقا نمشي وواضح خفاها
لاجيت انادي فردهم قلت : ياخوك=احرص على عمق الصداقه معاها
روحي فداهم .. فوقها كامل البوك=كل الذي املك فدا في ذراها
اكسب معرفتهم ولا يبعدن شوك=كله ولا اخسر مشاهد ضياها
هذي الصداقه ساسها جذر وشروك=تنحت صخر والعفن يكتب بماها

وسلامتكم

**بنت الكحيلا** · 19/08/10, (07:37 PM)

صح لسانك اخوي جائز المليحان

قصيدة رائعه ومعبرة

الله يعطيك العافية على هذا الإبداع

**أبو غرام** · 20/08/10, (04:03 AM)

اقتباس:

المشاركة الأصلية كتبت بواسطة بنت الكحيلا

صح لسانك اخوي جائز المليحان

قصيدة رائعه ومعبرة

الله يعطيك العافية على هذا الإبداع

صح بدنك اختاه

وحضورك تشرفت به

يعافيك يارب

اخوك ابو احمد

**ماجد الغانم** · 19/08/10, (07:48 PM)

الغاالي

جايز المليحان

صح لسانك و لاهنت

حضور مميز رغم قسوته

الله يستر من اللي مزعلك يابو احمد

ماتستااهل يالذيب

وتأكد بان خوتك شرف

دمت بكل خير

**عبدالله عشوي** · 20/08/10, (02:26 AM)

لابـــو العـفـانـه لابــــو عـرفـتــك لابــــوك=يابـن الـردي .. ديرتـك مانـي بسمـاهـا
يمـنـايَ ارفــع مــن مصافـحـك يالـعـوك=ويـسـاريَ تـكــرم عـــن مـيـامـن طـمـاهـا
انـــا عـشـيـر الـلــي الـــى جـــو حـطــوك=باقصـى المراجـل .. واقـفٍ مـن وراهـا

بشهر رمضان اشر نقول مبروك =والف هلا بالي بشره بداها
انا اشهد انه بين انياب مضنوك =ياويل ويله يوم اقدح سناها
امر يابو احمد لك الدم مسفوك =وارواحنا تفداك بلي تراها
عبدالله عشوي العنزي

**أبو غرام** · 20/08/10, (04:24 AM)

اقتباس:

المشاركة الأصلية كتبت بواسطة عبدالله عشوي

لابـــو العـفـانـه لابــــو عـرفـتــك لابــــوك=يابـن الـردي .. ديرتـك مانـي بسمـاهـا

يمـنـايَ ارفــع مــن مصافـحـك يالـعـوك=ويـسـاريَ تـكــرم عـــن مـيـامـن طـمـاهـا
انـــا عـشـيـر الـلــي الـــى جـــو حـطــوك=باقصـى المراجـل .. واقـفٍ مـن وراهـا

بشهر رمضان اشر نقول مبروك =والف هلا بالي بشره بداها
انا اشهد انه بين انياب مضنوك =ياويل ويله يوم اقدح سناها
امر يابو احمد لك الدم مسفوك =وارواحنا تفداك بلي تراها
عبدالله عشوي العنزي

تسلم يابو سامي
لا يابعد راسي والله
وانت من الطيبين اللي افخر بهم
سلمت ودمت وذاخرك للي أكبر من كذا
ولاهي غريبة عليك يابن عمي فزعتك وشوشتك ووقفتك
اهلك من اولهم معروفين بهالشي .. لاعدمتك

تسلم يابو سامي ولاهنت ياخوك=والوضع اهون من مواري صداها
ماهي غريبه قولة الشر مبروك=تقول وتاصل يابن عمي مداها
اهلك من اولهم على الطيب ربوك=ومنّك .. عيالك تارثه في دماها
يا جعلني فدوة هل الطيب ياخوك=اللي تشوش بساعها من سطاها

اخوك ابو احمد

**أبو غرام** · 20/08/10, (04:09 AM)

اقتباس:

المشاركة الأصلية كتبت بواسطة ماجد الجعفري

الغاالي

جايز المليحان

صح لسانك و لاهنت

حضور مميز رغم قسوته

الله يستر من اللي مزعلك يابو احمد

ماتستااهل يالذيب

وتأكد بان خوتك شرف

دمت بكل خير

صح بدنك يابو غانم ولاهنت

وابشرك يالعشير .. لاهنا زعل ولا خلافه

هو للنص عدة زوايا .. خذه ياخوك من زاويه اخرى

وخوتك ياعشيري شرف ونوماس يابن هيّاف

لك الود والتقدير