وين المعزب يبدي الترحيبه - °~*¤®§(§ شبـــكة ويــلان العـربـيـه §)§®¤*~ˆ°

**عبداللطيف الخالدي** · 07/08/10, (03:35 AM)

السلام عليكم ورحمة الله وبركاته

بسم الله أبدا و السلام أثني به = و أحيي الويلان بـــألف تحيه
العود ريحه و المخلط طيبه = مثل الشهد حالي أو أحلى شويه
يا أهل الصخا والجود ما به ريبه = الضيف جاكم عاني(ن) بالجيه
وين المعزب يبدي الترحيبه = وين الدلال و فوحة البريه
من عقب ذا يا فاهم التركيبه = أشرح كلامي للقلوب الحيه
وصف(ن) رباعي ذلتن لصحيبه = و اول حروفه حاجة مخفيه
فعله خبيث وكارثه ومصيبه = وبالشرع حده وأفهم القافيه

يطيب لي بل ويشرفني أن أكون أحد أعضاء هذا المنتدى الكبير
و سبحان الله كنت قد قدمت إلى هنا لسبب معين قد يتبين لكم من اللغز ..
لكن بعد مروري على بعض المواضيع وإدراكي لما لديكم من رقي أعجبت بكم وبما لديكم فأرجوا أن تقبلون بي أخ عزيز بينكم

**طلال المطردي** · 07/08/10, (07:10 AM)

يامرحـبا والله من القلب ترحيـب****في جيتك جانا عطر وانبعث طيب
يامرحبـا عـد النجــــــوم بسمانـا****ومع جيتــــك عـم الفـرح منتدانـا

الشرف لنا انضمامك لشبكة ويلان وحياك الله بين الويلان

**عبداللطيف الخالدي** · 07/08/10, (02:26 PM)

اقتباس:

المشاركة الأصلية كتبت بواسطة طلال المطردي

يامرحـبا والله من القلب ترحيـب****في جيتك جانا عطر وانبعث طيب
يامرحبـا عـد النجــــــوم بسمانـا****ومع جيتــــك عـم الفـرح منتدانـا

الشرف لنا انضمامك لشبكة ويلان وحياك الله بين الويلان

الله يحييك ويبقيك

لاهنت على الترحيب يالوافي
والله يعطيك الف عافيه
لكن ما جبت لنا المطلوب ..

وين حلالين الألغاز ..؟

**احساس قلم** · 07/08/10, (08:25 AM)

**عبداللطيف الخالدي** · 07/08/10, (07:29 PM)

اقتباس:

المشاركة الأصلية كتبت بواسطة احساس قلم

حياك الله أحساس قلم

تشرفت بردك الطيب

ولو انك مثل اللي فوقك ما جبتي الحل

لكن الشكوى لله

دمتي بود

**فهد السلقاوي** · 07/08/10, (04:02 PM)

هلابك اخوي عبداللطيف الخالدي

كلنا معازيب

وحياك الله معنا يبن اخي

وبخصوص اللغز

جاااري التفكير.....

**عبداللطيف الخالدي** · 07/08/10, (07:41 PM)

اقتباس:

المشاركة الأصلية كتبت بواسطة فهد السلقاوي

هلابك اخوي عبداللطيف الخالدي

كلنا معازيب

وحياك الله معنا يبن اخي

وبخصوص اللغز

جاااري التفكير.....

بالمهلي يا فهد

الله يحييك و يبارك فيك

و عجل على الرمعه ترا دمي حار

شاكر لك مرورك وترحيبك .. دمت بعافيه