ماصدّقت عيني يجيها بشيرك...... - °~*¤®§(§ شبـــكة ويــلان العـربـيـه §)§®¤*~ˆ°

**عناد الغريب** · 05/07/10, (02:34 AM)

ياللي تدق البـال ربـي محييـك=اقلط ترى مامر بالبـال غيـرك
من دلة افكاري تفضـل بقهويـك=وقدوع من نخله على جال بيـرك
ماقدمك الا طيرعينه مـع ايديـك=عشّه حنان ويصبح الطيرطيـرك
طيرن يفز ليا سمع بس طاريـك=يبغى قليلك ماطمع فـي كثيـرك
وتلقـا حوالينـه ورودآ تناديـك=وردآ عبيره ينسكب من عبيـرك
كلن تقول انا فدى تراب رجليـك=وكلن تبي الاقرب لخطوة مسيرك
طب وتخيّر في جنايـن محاكيـك=ماتسمـع الا كثـر الله خـيـرك
خذ راحتك ماظن يحتاج اوصيـك=الزرع زرعك والغديّـر غديـرك
انت المدير وكل الاعضاء مماليك=تديرهن ماالله خلق مـن يديـرك
عش في رغد لايكدرالوقت صافيك=ماصدّقت عيني يجيهـا بشيـرك

**خلف الغريب** · 05/07/10, (10:13 AM)

صح لسانك يا عناد على هالمشاعر الشفافة والالفاظ الرقيقة ..

طب وتخيّر في جنايـن محاكيـك

ماتسمـع الا كثـر الله خـيـرك

ابدعت وامتعت كما هي عادتك ..
وكثر الله خيرك..

**عناد الغريب** · 06/07/10, (08:29 PM)

اقتباس:

المشاركة الأصلية كتبت بواسطة خلف الغريب

صح لسانك يا عناد على هالمشاعر الشفافة والالفاظ الرقيقة ..

طب وتخيّر في جنايـن محاكيـك
ماتسمـع الا كثـر الله خـيـرك

ابدعت وامتعت كما هي عادتك ..
وكثر الله خيرك..

الاستاذ خلف الغريب

صح كلك ولاعدمت رقئ ردك وعذوبته

لاهنت ومتع الله بايامك في طاعته

وكثر الله خيرك

دمت ورحم الله والديك

**سالم صالح** · 05/07/10, (09:47 PM)

الراااائع دائما

عناد الغريب

صح السانك على هذة القصيدة الراقية والجميلة ولاهي غريبة عليك الجزالة شاعر ممتع بكل امانه

تقبل ودي وتقديري ولاتطول الغيبه

**عناد الغريب** · 17/07/10, (12:51 AM)

اقتباس:

المشاركة الأصلية كتبت بواسطة سالم صالح

الراااائع دائما

عناد الغريب

صح السانك على هذة القصيدة الراقية والجميلة ولاهي غريبة عليك الجزالة شاعر ممتع بكل امانه

تقبل ودي وتقديري ولاتطول الغيبه

القدير سالم صالح
لاهنت وجمّل الله حالك ياجميل

صح كلك ياراقي

متع الله بايامك على طاعته

لن نغيب ولكن نمر احيان بمشاغل تحد من التواجد

دمت بخير ورحم الله والديك

**طلال معيض** · 06/07/10, (05:50 PM)

الله الله

ياعناد

معبره واحساس شاعر
لاهنت وتسلم

**عناد الغريب** · 19/07/10, (12:09 AM)

اقتباس:

المشاركة الأصلية كتبت بواسطة طلال معيض

الله الله

ياعناد

معبره واحساس شاعر
لاهنت وتسلم

اخي القدير طلال معيض

ماتهون لاعدمتك

جمّل الله حالك

دمت بخير ورحم الله والديك