انتضره .... بنــــت وايـــل - °~*¤®§(§ شبـــكة ويــلان العـربـيـه §)§®¤*~ˆ°

**بدر الخلاوي** · 03/07/10, (01:01 PM)

شعورنبيل ..واحساس صادق ..ونهر يتدفق من الحب والدعاء
.................................................. ...........................
سحب من الوفاء في هذا النص

.........................................

الذي تنساب منه الروحانيه وألم
.........................................

فقــد الوالد
.........................................

لــبنت وايـــــل
.....................
.....................
....................
التعطير الــزاهي والمبهر

اذاقيل وينه ؟ لا تقولون في قبره
....................تشوفون عيني لجل ماتعرفو وينه

سكنها لحاله لو معه تسكن العبره
....................الـ ياطاحت العبره تلاقون له بينه

انا كل ليله من عقب موته انتظره
....................لجل في منامي ارتمي تحت رجلينه

واضمه ولو مادق خفاقه بصدره
....................واقبل يديه وراسه وخشمه وعينه

واشوفه من اسباب العمل مبيض البشره
..................يشع منه نور وهو مخلوق من طينه

وابشره بالدبره ولو مامعي دبره
....................وحتى دعائي مايوفي ربع دينه

هذاك الذي تبصم على طيبه العشره
...............وهذاك الذي يمشي على ماحكم دينه

غني نفس يوم الجيب مايشتكي فقره
...................عزيزا بوقت ن ذل حتى سلاطينه

يضيق ان نطقت الآه من وخزة الابره
...................اجل كيف لو همي يركز نياشينه

ابد مايموت الحب لاصار بالفطره
..................ولو ان الفراق يحيل من بيني وبينه

عسىقبره اللي ضم جثمانه بحفره
....................رياض ن من الجنه يكحل بها عينه

وعسى من جنان الخلد تحصد يده ثمره
.......................بعد صالح الاعمال تثقل موازينه

وانا بعد عينه بنته اللي على خبره
........................تعلي مقامه مثل ماكان في حينه

وبظل كل ليله من بعد موته انتظره
.........................لعلي اشوفه وارتمي بين يديّنه

الشاعره / بنت وايـــــل

**عايش الجويعان** · 03/07/10, (01:31 PM)

بسم الله الرحمن الرحيم

صح السان الشاعره المميزه ( بنت وائل ) ونطلب من الله عزاء وجل ان يرحمه ويرحم اموات المسلمين انه سميع مجيب الدعوات
يقول الشاعر الاسمر الجويعان
عنهم سئلة وقيل تحت الثراء اموات === وحناء بثرهم سايقين الرحائل

شكرا الاخ الخلاوي على انقل الموثر ولك تحياتي وتقديري