قصيدة سجين حكم عليه بالسجن ثمانية عشر عام - °~*¤®§(§ شبـــكة ويــلان العـربـيـه §)§®¤*~ˆ°

**عايش الجويعان** · 22/06/10, (08:31 PM)

بسم الله الرحمن الرحيم

يقول السجين هذه القصيده

:::::::::::::::::::::::::::::::::::::::::::::::::: ::::::::::::::::::::::::::::::

يجبر عزاك الله ويجبر عزانا = ويجبر عزاء الي داخل السجن محكوم
غلطة عمر والله عليها بلانا = ماقدر المولا على العبد محتوم
عشر وثمان سنين تفرح اعدانا = وعشر وثمان سنين والحكم معلوم
وعشر وثمان سنين عاماً وطانا = وعشر وثمان سنين والقول مفهوم
وعشر وثمان ضيعت مستوانا = وعشر وثمان اقاسي الهم واللوم
حكماً به العاقل يصيبه اجنانا = الي يدل الدرب لاجاه منجوم
يالليل يالليل الشقى والمعانا = يالليل ماترحم من الناس مضيوم
يالليل انا بخبرك بعلماً لفانا = علماً خذا عقلي وانا منه مسموم
رحنا بخبر كان وكلن ولانا = عشر وثمان عوام يوماً بثر يوم
الوم نفسي نوب ونوب اتوانا = نوب مع التفكير ماينفع اللوم
عزي لمن خلف السوار كانا = سجين في دنيا بها الحق مهضوم
عزي لمن مثلي طواها الزمانا = يسريبه الهوجاس في درب مختوم
صرنا بها عبره لناس ورانا = هرجة قفاء يركضبها كل جرثوم
ناساً على الزله ادور خطانا = تمشي على درب الرداء دائم الدوم
طال العنى و الهم بيده خذانا = وقفاء السعد عنا كماء اقفاي عيسوم
يانجم يالي ساطعاً في سمانا = بيني وبينك حال جدران وعقوم
الله لناء يانجم والله معانا = عند اللولي شي مقدر ومقسوم
يانجم مادليتنا من خطانا = في درب مضلم فيه لفات وحزوم
البوصله يانجم ماهي معانا = والخط وعر وغرنا قلت النوم
النجم غاب وواضح الصبح جانا = برضاً محل يسكن بها الحر والبوم
نزلتنا يانجم من مستوانا = عقب السعد نزلتنا لسفل القوم
يانجم قل لصويحبي لنسانا = مثلك يصون العهد ياسادة الروم
العهد وعد ومن نساء العهد خانا = ومن خان عهده لايصلي ولايصوم
يازين لاتنساء ليالي هوانا = ولاتبتعد عني وانا فيك ملزوم
هذا سؤالي بين الاقواس بانا = والحل عندك ياريش العين مكتوم
كانك على درب الفراق اتحدانا = اشطب على اسمي بين الاقواس معدوم
وثم صحح الفقرا على محتوانا = وكتب على حرفي من الحب محروم
الله يجازي يالغضي من جفانا = والله يسهله لنا حي قيوم
روحي بمان الله وانسى غلانا = مايستوي خطاً على العكس مرسوم
درباً طويل فيه قصرت اخطانا = والحمل طن فيه لامشي ولاقوم
البحر هايج والحقيقه ورانا = تبحربنا الامواج في مركب الشوم
دنيا تعاقبنا وتظهر خفانا = ماتستوي لآحداً على درب مفهوم
واختامها يارب تجبر عزانا = وتجبر عزاء الي داخل السجن محكوم

تحياتي / عايش الجويعان