ابوكــ خالكــ أختكــ أخوكـــ ماضيك - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 06/06/10, (02:20 AM)

تعبت أشيل الهم عنك واداريك=وانت همومي ثقلها مايهمك
لا (ياحبيبي) الزمن لا يخليك=تقسى على قلبي وتسقيه سمك
دنياك هذي لاتغير مباديك=مهما استطعت الظلم عدل بحكمك
ماهي غريبه من يذمك يماشيك=!لكن غريبه يمدحك من يذمك
ماكل واحد غاب معناه ناسيك=بعض البشر ينساك لو كان يمك
أدري تعزني..الله يعز غاليك=وإن كان لي عندك معزه بضمك
في خاطري كم كلمة عن:تجافيك=وان شفت دمعاتي انزلت حط كمك
أسمك حبيبي..وياكثرها اساميك=وقلبي يفز..لاجابوا الناس أسمك
ليتك تحس بضيقتي يوم احاتيك=أحرق لك اعصابي وما حس دمك
غايب بدون اعذار ربي يجازيك=عطني سبب مقنع حبيبي وألمك
همك جنونك ضحكتك كل مافيك=صوتك سكوتك..وارجع اقول همك
"لبيه" منك غير لما اناديك=كن الكلام العذب.. مرساه فمك
مهما غلوك قلوب ناس حواليك=أغليك اكثر منهم بس..لعلمك
أبوك خالك أختك أخوك ..ماضيك=ربعك جميع الناس وعيال عمك
شايف غلاهم لك..أنا اكثر اغليك=واللي وصل نص الغلا يمكن "أمك"

مما راق لي