النفوس الشقيه والنفوس السعيده(سلطان بن وسام ) - °~*¤®§(§ شبـــكة ويــلان العـربـيـه §)§®¤*~ˆ°

**نافع عيد الجديد** · 28/05/10, (02:26 PM)

الليالـي مشاكلهـا عـراضٍ طوالـي=للنفوس الشقيه والنفـوس السعيـده
غارةٍ من يمين وغارةٍ مـن شمالـي=توهمك بالهدوء وعاصفتهـا شديـده
ياوجودي علي الراحه وياوجد حالـي=ليت مالي مع الشعـار ولا نشيـده
هب ياهالزمان اللي غزانـي لحالـي=كل يوم على الهاتف يجيني قصيـده
ذي معاتب حبيب وذي مشاريه غالي=وذي تخفض من السكر وهذي تزيده
والعرب علمهم بي يوم صدري شمالي=والليالي مقفت بـه لايمكـن تعيـده
روحت مع مهـب الريـح يا هملالـي=ماحدٍ جت له الدنيـا علـي مايريـده
والتجارب عطتنـا ميـزه الاحتمالـي=ودرستنا مشاويـر الحيـاه المفيـده
ان مابـه حيـاه الا وراهـا زوالـي=والبنـادم بهالدنيـا شبوحـه بعيـده
مير ماهيب لامكسـب ولاراس مالـي=كود من حط قوله والنعم في رصيـده
وطاب عند البعيد وطاب عند الموالي=وله نصيب الاسد من الخصال الحميده
وان تثنت عزوم مشوربين العيالـي=عزمه اقوي من ظروف الحياه العنيده
يرتكي بالمناكـب للحمـول الثقالـي=والظفر في راسه المطنوخ والا وريده
خل فعل الجدود وخل فعـل الخوالـي=ندري انك ولدهـم والعلاقـه وطيـده
وندري ان فعلهم يستر بنات الحلالي=حتي لو جدك اكحيلان وانته حفيـده
اما حث القدم واطلع علي راس عالي=والا خلك كذا وان مت ما انت بفقيده

**غموض الشمال** · 28/05/10, (05:18 PM)

أبيات جميله وذائقه شعريه رائعه
تسلم يمينك مشرفنا القدير..وصح لسان شاعرها
تقديري لك

**نافع عيد الجديد** · 28/05/10, (11:20 PM)

اقتباس:

المشاركة الأصلية كتبت بواسطة غموض الشمال

أبيات جميله وذائقه شعريه رائعه
تسلم يمينك مشرفنا القدير..وصح لسان شاعرها
تقديري لك

هلابك اختي
اشكرك على المرور الجميل
رعاك الله

**أبو غرام** · 29/05/10, (02:07 AM)

ابياااااااات رااااااااااائعه

سلمت على النقل يابو عيد

**صلاح الاشجعي** · 30/05/10, (01:22 AM)

يعطيك العا فيه الاخ جائز المليحان وصح لسان الشاعر وتسلم يمناك ع النقل
ودي وتقد يري لك

**سليمان الجعفري** · 04/06/10, (02:29 PM)

الاخ الغالي / نافع بن عيد

الله يعطيك الف عافيه على الاختيار الراااااقي

صح لسانك ولسان الشاعر الكبير/ سلطان بن وسام الهاجري

تقبل اجمل التحايا والاحترام

**احمد الضوي** · 08/06/10, (05:34 AM)

صح لسانك
ولسان الشاعر المبدع ابن وسام
وتسلم يمينك على النقل