بعض موقف ما يبي الشخص الحيادي

[زيدان الصقري]

بعض جرحٍ ما يوالمْه الضماد = جرح فكر ومايبي شاش الضمادي
ما يعالج كود بسلوب الرشاد = ومن تعلم افلح بفكره وجادي
جوهر الانسان بالدنيا سناد = يرفعه ما يزرعه وقت الحصادي
الجهل اليا تجاهلناه زاد =يا نبيد الجهل والا الجهل سادي
العلاقه بين يدك والزناد = يعتمدها بالامر صدق المبادي
فرق مابين التواطئ والجهاد = فرق شاسع مايبي بحث اجتهادي
ارفعتنا طبوع فيها الاعتماد = لا نذوبها ويغشانا السوادي
الحدود اللي افصلت بين البلاد = ماتلبس طبعنا ثوب الحدادي
كل شخص فيه مبدئ والمراد = غادي اللي بمبدئه كل شي عادي
الكرامه ما تبيَع بالمزاد = والحشيمه ترخص براس الربادي
كل شيء شاذ ينتجلك فساد = لنحرف نهج البشر زاد الفسادي
تختلف لو يشبهك يالضاد صاد = والتشابه لا اختلف عادي وغادي
ماهو كل شيٍ نوقف له حياد = بعض موقف ما يبي الشخص الحيادي

زيدان= العنزي

[عبدالله مقبل]

صح لسانك أخوي زيدان


ونعم بك


قصيدة جزله




هلا هنت اخوي على هذا التميز



تقبل شكري واعجابي

[زيدان الصقري]

المشاركة الأصلية كتبت بواسطة عبدالله مقبل

صح لسانك أخوي زيدان


ونعم بك


قصيدة جزله




هلا هنت اخوي على هذا التميز



تقبل شكري واعجابي

الشاعر عبدالله مقبل

صح بدنك واطراء اعتز به

بارك الله فيك وجزيل الشكر

[سليمان مفضي العنزي]

كفو كفو كفو

اشهد بالله انك شاعر بالفطره وشاعر تستطيع اجبار الحروف لتكون شعرا حينما تكتبها

كل بيت عن قصيده بما يحتويه من حكمه ومعنى جزل

وقصيده مترابطه بالمعنى والموضوع

لله درك وصح لسانك يازيدان

[زيدان الصقري]

المشاركة الأصلية كتبت بواسطة سليمان مفضي العنزي

كفو كفو كفو

اشهد بالله انك شاعر بالفطره وشاعر تستطيع اجبار الحروف لتكون شعرا حينما تكتبها

كل بيت عن قصيده بما يحتويه من حكمه ومعنى جزل

وقصيده مترابطه بالمعنى والموضوع

لله درك وصح لسانك يازيدان

الاخ سليمان مفضي العنزي
سرني تعقيبك الكريم

وصح بدنك واعتزازي بما خطته يداك

بارك الله فيك وجزيل الشكر

[عاشق المعالي]

هذا هو الشعر

هنئيا لويلان بقدوم شاعر مثلك يازيدان

صح لسانك الي ان ترضى

[زيدان الصقري]

المشاركة الأصلية كتبت بواسطة عاشق المعالي

هذا هو الشعر

هنئيا لويلان بقدوم شاعر مثلك يازيدان

صح لسانك الي ان ترضى

الاخ عاشق المعالي

رفع الله قدرك

ولاهنت
صح بدنك واطراء اعتز به

بارك الله فيك وجزيل الشكر