المزون - °~*¤®§(§ شبـــكة ويــلان العـربـيـه §)§®¤*~ˆ°

**عناد الغريب** · 03/05/10, (08:32 PM)

بعض الكلام يضيق الصدر ياشوق=والصدر من ضيقه تضيق الحناجر
الهرج واجد لكن الصدر صندوق=ثلثينها يذبح وثلثٍ يهاجر
ماكل كلمه تنطري داخل السوق=ولا كل من يوجد بها السوق تاجر
لا تحدني لاقصاي خل العتب فوق=ياللي تعديت العتب للمشاجر
لو خنجر عتابك لها جذع وعروق=يافال كفك من نبات الخناجر
من كثر ما تارد على كل معلوق=تجني ثمرها بين صالح وفاجر
ومادام مالك بالهوا نفس معتوق=ارحل بدون ازعاج اريح وآآجر
خل المزون الشمّخ اللي ورا الموق=تمطر على حرث السهر بالمحاجر

**عاشق المعالي** · 03/05/10, (08:36 PM)

خل المزون الشمّخ اللي ورى الموق=تمطرعلى حرث السهر بالمحاجـر

ما اجملك ياعناد الغريب

صح لسانك على هذه الابيات المميزه والشاعريه جدا

تقبل مروري واعجابي الشديد

**عناد الغريب** · 04/05/10, (05:22 PM)

اقتباس:

المشاركة الأصلية كتبت بواسطة عاشق المعالي

خل المزون الشمّخ اللي ورى الموق=تمطرعلى حرث السهر بالمحاجـر

ما اجملك ياعناد الغريب

صح لسانك على هذه الابيات المميزه والشاعريه جدا

تقبل مروري واعجابي الشديد

اخي الشاعر القدير عاشق المعالي
جمل الله حالك

صح بدنك ولاهنت

مرورك واعجابك شرف

دمت بخير ورحم الله والديك

**سالم العنزي** · 03/05/10, (08:41 PM)

الشاعر عناد الغريب

شاعر ذو احساس راقي وصادق

لا املك الا ان اقول صح لسانك مليون

**عناد الغريب** · 04/05/10, (05:36 PM)

اقتباس:

المشاركة الأصلية كتبت بواسطة سالم العنزي

الشاعر عناد الغريب

شاعر ذو احساس راقي وصادق

لا املك الا ان اقول صح لسانك مليون

اخي القدير سالم

الله لايهينك ويجمل حالك

صح بدنك ترليون

دمت بخير ورحم الله والديك

**نواره محمد** · 03/05/10, (10:06 PM)

صح لسانك اخوي عناد الغريب

قصيدة رائعه بارك الله فيك

**عناد الغريب** · 04/05/10, (05:38 PM)

اقتباس:

المشاركة الأصلية كتبت بواسطة نواره محمد

صح لسانك اخوي عناد الغريب

قصيدة رائعه بارك الله فيك

اختي نواره

صح كللك

ولاهنتي وجمل الله حالك

الرائع مرورك العذب

دمتي بخير

ورحم الله والديك