للوطـن فقط !!

[سعود العواجي]

مساء الخير / صباح الخير .. حسب التوقيت .

للويلان مكانه كبيره وقدر عظيم ومحبه متجدده لايضاهيها محبه ..

لأبداع اقلامكم مايجبر العامه لتتواجد هنا .. ستبقى هذه الشبكه رائده بكم وبأداراتها الموقره ..

.....

بعد معترك البرنامج والتشبع الذاتي من الشعر الا انني اجد هنا مساحه او فضاء يمنحني الاستمتاع

بالشعر وانواعه بااسماء شعريه لها مكانتها الشعريه وحازت الاعجاب بجميع ماتتطرح ..

الجديد سيقرأ هنا فقط ..

وهذه حصريه للموقع الذي غمرني بمحبته .. اتمنى ان تنال قدر بسيط من اعجابكم ورضاكم ..

يوم استدار الفكر والمعنى على الفكر استدار = وعزّمت اجابه مابدر مني وانا كلي ثقه
هذا وانا شاعر ولي جمهور وآجوب الديار = مايوم عديت الكلام الا وعقلي نمقه
الشعر مايجلب عصى موسى ولايجني ثمار = حتى ولو دارت مقولة : اعذب الشعر اصدقه !
كم لي وانا اقول الشعر مخلوق فوق الاعتبار = ماهو بعبد ٍ داخل ضلوعي ليا ضقت اعتقه
الشعر عندي حس صادق ماعلى وجهه غبار = يزفر همومي وآتنفّس واقعي واستنشقه
لامن تجهم صدري من الضيق باآفك الزرار = وليا احتمى راسي شعر بمسك عقالي وافهقه
كله عشان احسب حسابي قبل لاآفل الستار = ولاخير في رجال مايحسب حساب لمنطقه
وانا ليا مني نظمت الشعر ماعندي خيار = اما يجي من خاطري والا بلاش اني اطرقه
حضرت وانا ديرتي تبقى على الصدر افتخار = وشلون ابكتب والمزايا واضحه وموثقه
لو قلت آبعدد خصال المملكه ليل ونهار = ماضل بيديني قلم يكتب ولاشلت ورقه
من يوم اسسها ابو تركي بجهد واقتدار = وفي كل شبر ٍ بارضها يشهد على زخ عرقه
من دونها ناقف ليا ثار الغضب والدم فار = وكل ٍ يعن الخيل للهيجا ويحمل بندقه
ديرة خذت من كلمة التوحيد فالبيرق شعار = ودستورها الاسلام والقرآن وعلوم الفقه
ياما غمرنا خيرها من يوم ماكنا صغار = واصبح وميض احلامنا مثل الشموس المشرقه
في ظل ابو متعب نعيش العز بثياب الوقار = ومن فضل ربي مانعيش إلا بسعاده مطلقه
شيخ ٍ على دروب المعالي ثبّت اقدامه وسار = ماكن رب العالمين الا على الطيب خلقه
شاهد على سياسته حرصه على حسن الجوار = وشاهد على اصالته جوده وماله لانفقه
يامر وحنا تحت امره دام فيديه القرار = وحنا حزامه لااحتمى الموقف ودرعه وفشقه
عهد ٍ اذا قلبي يخون اني لآذوقه المرار = ولو شاربي مادسّم بفعل الوفا غير أحلقه
ماني ولد وايل اخون الدار لو صار اللي صار = حتى لو ان راسي تدلى فوق حبل المشنقه
ماقلت لي كلمه عشان آمارس طقوس الحوار = واتوه في فكري وادور بوسط حلقه مغلقه
لاكن ابعرف كيف يخلق ثار من واقع مثار = من يوم ماصرنا هدف للعالم المتشدقه
عالم تطول المملكه بالهرج ويديها قصار = والمشكله كل الكلام اللي تقوله : هرطقه
حنا مثل روس النخل مامال ذل وانكسار = ماميله غير الرطب اللي على اطراف عذقه
والحمد لله مانعيش الا بسعادة وازدهار = ولايوم عشنا باحتدام واختلاف وتفرقه

اخوكم / سعود العواجي

[نافع عيد الجديد]

المشاركة الأصلية كتبت بواسطة سعود العواجي

مساء الخير / صباح الخير .. حسب التوقيت .

للويلان مكانه كبيره وقدر عظيم ومحبه متجدده لايضاهيها محبه ..

لأبداع اقلامكم مايجبر العامه لتتواجد هنا .. ستبقى هذه الشبكه رائده بكم وبأداراتها الموقره ..

.....

بعد معترك البرنامج والتشبع الذاتي من الشعر الا انني اجد هنا مساحه او فضاء يمنحني الاستمتاع

بالشعر وانواعه بااسماء شعريه لها مكانتها الشعريه وحازت الاعجاب بجميع ماتتطرح ..

الجديد سيقرأ هنا فقط ..

وهذه حصريه للموقع الذي غمرني بمحبته .. اتمنى ان تنال قدر بسيط من اعجابكم ورضاكم ..

يوم استدار الفكر والمعنى على الفكر استدار = وعزّمت اجابه مابدر مني وانا كلي ثقه
هذا وانا شاعر ولي جمهور وآجوب الديار = مايوم عديت الكلام الا وعقلي نمقه
الشعر مايجلب عصى موسى ولايجني ثمار = حتى ولو دارت مقولة : اعذب الشعر اصدقه !
كم لي وانا اقول الشعر مخلوق فوق الاعتبار = ماهو بعبد ٍ داخل ضلوعي ليا ضقت اعتقه
الشعر عندي حس صادق ماعلى وجهه غبار = يزفر همومي وآتنفّس واقعي واستنشقه
لامن تجهم صدري من الضيق باآفك الزرار = وليا احتمى راسي شعر بمسك عقالي وافهقه
كله عشان احسب حسابي قبل لاآفل الستار = ولاخير في رجال مايحسب حساب لمنطقه
وانا ليا مني نظمت الشعر ماعندي خيار = اما يجي من خاطري والا بلاش اني اطرقه
حضرت وانا ديرتي تبقى على الصدر افتخار = وشلون ابكتب والمزايا واضحه وموثقه
لو قلت آبعدد خصال المملكه ليل ونهار = ماضل بيديني قلم يكتب ولاشلت ورقه
من يوم اسسها ابو تركي بجهد واقتدار = وفي كل شبر ٍ بارضها يشهد على زخ عرقه
من دونها ناقف ليا ثار الغضب والدم فار = وكل ٍ يعن الخيل للهيجا ويحمل بندقه
ديرة خذت من كلمة التوحيد فالبيرق شعار = ودستورها الاسلام والقرآن وعلوم الفقه
ياما غمرنا خيرها من يوم ماكنا صغار = واصبح وميض احلامنا مثل الشموس المشرقه
في ظل ابو متعب نعيش العز بثياب الوقار = ومن فضل ربي مانعيش إلا بسعاده مطلقه
شيخ ٍ على دروب المعالي ثبّت اقدامه وسار = ماكن رب العالمين الا على الطيب خلقه
شاهد على سياسته حرصه على حسن الجوار = وشاهد على اصالته جوده وماله لانفقه
يامر وحنا تحت امره دام فيديه القرار = وحنا حزامه لااحتمى الموقف ودرعه وفشقه
عهد ٍ اذا قلبي يخون اني لآذوقه المرار = ولو شاربي مادسّم بفعل الوفا غير أحلقه
ماني ولد وايل اخون الدار لو صار اللي صار = حتى لو ان راسي تدلى فوق حبل المشنقه
ماقلت لي كلمه عشان آمارس طقوس الحوار = واتوه في فكري وادور بوسط حلقه مغلقه
لاكن ابعرف كيف يخلق ثار من واقع مثار = من يوم ماصرنا هدف للعالم المتشدقه
عالم تطول المملكه بالهرج ويديها قصار = والمشكله كل الكلام اللي تقوله : هرطقه
حنا مثل روس النخل مامال ذل وانكسار = ماميله غير الرطب اللي على اطراف عذقه
والحمد لله مانعيش الا بسعادة وازدهار = ولايوم عشنا باحتدام واختلاف وتفرقه

اخوكم / سعود العواجي

الغالي والشاعر الكبير سعود العواجي
الله يحييك ويبيض وجهك على كل ماتقدم وخاصة شاعر المليون
بيضت وجيه قبيلة عنزه عامه
نعم لم تفز بالمليون ولكن فزت بقلوب الملايين من ابناء قبيلة عنزه خاصه والقبائل الاخرى عامه
وصح لسانك على الوطنيه الرائعه
جزله من رجل جزل
درر من اول بيت لاخر بيت
شاعر وغني عن شهادتي المجروحه
اسجل اعجابي
تقبل احترامي وتقديري

[بنت راشد]

شاعرنا العزيز سعود العواجي
صح لسانك على جزله الوطنيه الرائعة

[سعود المسعودي]

الاستاذ القدير\\ سعود العواجي \\



حياك الله تسلم تسلم لاجديد سوى الابداع

اللذي عهدناه

صح السانكنص عذب وجزل من شاعر جزل

فائق الود والتقدير لك

[سالم العنزي]

اهلا بشاعر الشموخ والوفاء

شكرا لك على هذا النص الحصري لشبكة ويلان العربيه

وليس غريبا الوفاء من اهل الوفاء .

ولن اقول الا صح لسانك على هذه القصيده فلست بحاجه الي اشاده مني

فقط انا لتسجيل اعجابي واعترافا بإستمتاعي بما كتبت

[بدرفهد الجعفري]

اهلا بالجزاله
اهلا بالابداع
اهلا بالشموخ والوفاء

شاعر فرض احترامه على الجميع بأخلاقه العاليه
وفرض شعره على الجميع بشاعريته الفذه.

صح لسانك وكفي يابو صالح

[عاشق المعالي]

الشاعر الكبير : سعود العواجي

شكرا لك لأنك خصيتنا بهذه الرائعه الشعريه والتحفه الفريده

وصح لسانك