الصمت عن بعض السوالف شفاقه ..

[مزيد المزيد]

ذهبت قبل فتره الى جده والجنوب وتذكرت مواقف قديمه جمعتني باصدقاء حالت بيني وبينهم الظروف وابعدتنا المسافات ..

اقدم لــ سعود / عبدالله / مشعل / سلطان

ولكم هذه المتواضعه واتمنى ان تنال على اعجابكم ..

جيت المكان اللي لنا فيه وقفات =يوم الليالي عا مره بالصداقه

من دار نجد الين جيت السروات =والليل مسدل وسط عيني ارواقه

والحزن يرسم في خفوقي علامات=يمشي على كيفه ولاشي عاقه

وفي كل ركن القى معاني عن الذات =ضحكاتنا ,, ضيقاتنا ,, والطفاقه

.
.
.
.
.
.

واليوم كلن ضاربن له مسافات=في وادي الدنيا يشايع نياقه

وحنا نلوم الوقت في كل مافات=والوقت ماله بالقطاعه علاقه

ياشاطي ابحر وش بقى بالعلاقات=والوقت جوّد بالتفرق وثاقه

كنا هنا نكسر خشوم المعاناة=غصبن على جور الزمن واحتراقه

ماجمعتنا مصلحة ود او هات =نفرض تفاهمنا على كل عاقه

.
.
.
.
.

وماطاحت الهمه على شان هقوات=ولاضاعت الهقوه برووس الرفاقه

اربع رجالا فعلهم عز واثبات=ماهو مجرد كرت ولا بطاقه

.
.
.
.
.

ياشاطي ابحر ضاقت النفس بسكات=والصمت عن بعض السوالف شفاقه

[عادل العايش]

شاعرنا مزيد المزيد

كبير ياشاعرنا صح الله لسانك

وتسلم يمينك يالذيب

كلام ولا اروع وفي مكاانه

وانت كعادتك متألق..

دام الله حظوورك

[الجوكر]

وحنا نلوم الوقت في كل مافـات

والوقت ماله بالقطاعـه علاقـه

الشاعر القدير

مزيد المزيد

قد يكون من روائع الحياه هي الذكرى الطيبه..

جميل انسياق أحرفك هنا بأحياء الماضي الرجولي

وهذا له الدلاله على نقاء القلب

مبدع بما صاغ فكرك هنااااا

تقديري

[احساس قلم]

ابو راكان وهل به
اجمل من الصداقه والمحبة الصادقه
البعيده عن المصالح الدنياويه

وحنا نلوم الوقت في كل مافـات والوقت ماله بالقطاعـه علاقـه

صح لسانكـ
مليون ولايكفون
تحية تقدير لكـ استاذي الكريم

[خلف الغريب]

واليوم كلن ضاربن له مسافـات

في وادي الدنيـا يشايـع نياقـه

وحنا نلوم الوقت في كل مافـات

والوقت ماله بالقطاعـه علاقـه

ياشاطي ابحر وش بقى بالعلاقات

والوقت جـوّد بالتفـرق وثاقـه

كنا هنا نكسر خشـوم المعانـاة

غصبن على جور الزمن واحتراقه

ماجمعتنا مصلحـة ود او هـات

نفرض تفاهمنا على كـل عاقـه

الغالي مزيد ..

الف صح لسانك يا وافي ومن وفائك كانت هذه الرائعة ..


دائما مبدع ومتميز واصيل فلله درك..

ثق اننا ننتظر جديدك يا ابو راكان..

تحياتي..

[سالم العنزي]

اهلا بشاعر الوفاء في زمن قل فيه الاوفياء

صح لسانك يابو ركان على هذه المشاعر الاخويه الصادقه والناضجه

تقبل مروري المتواضع

[بدرفهد الجعفري]

هنا الوفاء حينما يكون شعرا

وهنا التميز حينما يكتب يكون كاتبه مزيد المزيد

صح لسانك